گوادر: گوادر، کرونا وائرس سے بچاؤ کے پیش نظر لاک ڈاؤن پر عملدرآمد نہ کرنے والوں کے خلاف کاروائی کا آغاز۔کئی دکانوں کو سیل کردیا گیا۔تفصیلات کے مطابق ڈپٹی کمشنر گوادر کے حکم پر تحصیلدار گوادر یعقوب شیخ نے پولیس اور لیویز فورس کے ہمراہ کاروائی کرتے ہوئے ایس او پیز کی خلاف ورزی کرنے والے متعدد دکانداروں کی دکانوں کو سیل کردیا۔
اس موقع پر تحصیلدار گوادرکا کہنا تھا کہ کرونا کے باعث ایس او پیز پر عملدرآمد ضروری ہے۔انھوں نے کہا کہ اس سلسلے میں دکانداروں کو کئی دن سے انتظامیہ کی جانب سے ایس او پیز پرعمل کرنے کے احکامات دئیے جارہے تھے۔ انھوں نے مزید کہا کہ گزشتہ روز بھی چیف آفیسر بلدیہ گوادرکے ہمراہ بازاروں کا دورہ کرکے دکانداوں سے درخواست کی گئی لیکن عمل درآمد نہیں کیا گیا۔
انھوں نے شہریوں سے اپیل کی کہ ایس او پیز پر عمل نہ کرنے والے دکانداروں سے خریداری نہ کریں۔اور خود بھی ایس او پیز پر سختی سے عمل درآمد کریں۔کیونکہ کرونا سے بچاؤ کا واحد حل احتیاط ہے تاجر شہریوں کا اور اپنا خیال رکھتے ہوئے ایس او پیز پر ہر صورت عملدرآمد کریں بصورت دیگر کاروائی ہوگی۔