تربت: انجمن تاجران کیچ کے ترجمان نے اپنے ایک بیان میں کہا ہے کہ انتظامیہ کے جانب سے لاک ڈاؤن کی مدت پوری ہونے اور انتظامیہ کے جانب سے آج لاک ڈاؤن کے خلاف ورزی کرنے کی وجہ سے انجمن تاجران کیچ باقاعدہ کل بروز جمعہ مورخہ 6 اگست 2021 سے لاک ڈاؤن ختم کرنے کا اعلان کرتا ہے اور تمام دوکانداروں سے گزارش ہے کہ کل سے دوکانیں اور مارکیٹ کھولیں اور انشاء اللہ ہفتہ 7 اگست سے معمول کے مطابق بازار کھل جائیگا۔

اس کے ساتھ ترجمان انجمن تاجران نے مذید کہا کہ تربت میں اب کرونا کیسز میں 80 فیصد کمی ہوئی ہے اور لاک ڈاؤن کی وجہ سے مزدور اور دھاڑی دار طبقہ نان شبینہ کا محتاج ہے اور دوکاندار مذید کسی لاک ڈاؤن کو برداشت نہیں کرسکتے ہیں اس کے ساتھ مذید انہوں نے تمام دوکان دار حضرات سے درخواست کی ہے کہ کرونا چونکہ ایک عالمی وباء ہے اس سے بچاؤ کا واحد حل احتیاط اور احتیاطی تدابیر پر سختی سے عمل پیرا ہونا ہے۔ انہوں نے تمام دوکان داران سے گزارش کی ہے کہ کل سے مکمل ایس او پیز پر عمل پیرا یکسین کروایں اور ساتھ میں دیگر ایس او پیز پر بھی سختی سے عمل کریں۔