کوئٹہ: بی ایس او( پجار) کے مرکزی چیئرمین زبیر بلوچ، سیکرٹری جنرل نادر بلوچ، سینئر وائس چیئرمین بوہیر صالح بلوچ ایڈوکیٹ ،جونیئر وائس چیئرمین گورگین بلوچ ،سینئر جوائنٹ سیکرٹری ابرار برکت بلوچ جونیئر جوائنٹ سیکرٹری وکرم بلوچ، مرکزی انفارمیشن سیکرٹری نعیم بلوچ نے اپنے تعزیتی بیان میں کہا ہے کہ عظیم سیاسی رہنما سردار عطااللہ خان مینگل کی وفات سے بلوچستان و بلوچ قوم پرست سیاست میں ایک بہت بڑی خلا پیدا ہوئی ہے ۔سردار عطااللہ مینگل کی جدوجہد محض بلوچ قوم و بلوچستان کے لئے نہیں تھی بلکہ وہ دنیا بھر کے مظلوم اقوام کی آواز تھے ۔
موصوف کی پوری زندگی کی سیاسی جدوجہد پر اسے سلام پیش کرتے ہیں ۔انہوں نے ہمیشہ اصولی و جمہوری سیاست کی ۔اور جمہوری جدوجہد میں زندگی گزاری ۔ وہ آمر کے خلاف ایک توانا آواز تھے .انکی بلوچ قوم و بلوچ دھرتی کی سائل و وسائل کے دفاع و بلوچ قوم کے تشخص و بلوچ قوم کے بقا کی جنگ بڑی بہادی سے لڑتے رہے ۔انہوں نے کہا کہ سردار عطااللہ مینگل نے پوری زندگی مظلوم و پسے ہوئے طبقات کے لئے جدوجہد کی ۔بلوچ اسٹوڈنٹس آرگنائزیشن(پجار)اس عظیم ہستی کو خراج عقیدت پیش کرتی ہے ۔اللہ تعالی مرحوم کے درجات بلند فرمائے اور پسماندگان کو صبر و جمیل عطا کرے آمین ۔