اوتھل: چیف سیکرٹری بلوچستان کی ہدایت پر ڈپٹی کمشنر لسبیلہ کی کھلی کچہری بری طرح ناکام، کھلی کچہری میں عوام کی عدم شرکت، علاقائی معززین کو کھلی کچہری میں مدعو نہیں کیا گیا۔

آفیسروں کی شرکت نا ہونے کے برابر ، تفصیلات کے مطابق چیف سیکرٹری بلوچستان کی ہر ہفتہ ڈپٹی کمشنرزکواپنے اضلاع میں کھلی کچہری لگانے کی ہدایت پر بدھ کے روز ڈپٹی کمشنر لسبیلہ کے دفتر کے سبزہ زار میں کھلی کچہری منعقد کی گئی جو کہ عوام کی عدم شرکت کی وجہ سے بری طرح ناکام ہوگئی افسران کی بھی کم تعداد میں شرکت صحافیوں کے علاوہ چند افراد نے مسائل کے انبار لگا دیئے ڈپٹی کمشنر لسبیلہ حسن وقار چیمہ صحافیوں کے سوالات کا معقول جواب نہ دے سکے اور اپنی بے بسی کا اظہار کرتے ہوئے کہا کہ کے الیکٹرک کی آئے روز لوڈشیڈنگ کے مسئلے پر Kالیکٹرک کے افسران سے بات کرنے کا کہہ کر ٹال دیا۔

اسی طرح ضلع لسبیلہ میں سٹلمنٹ عملے کی غیر مقامی افراد کو رشوت کے عیوض ہزاروں ایکڑ سرکاری اراضی کو الاٹمنٹ کرنے کی شکایت پر بھی بے بسی کا اظہار کرتے ہوئے کہا سٹلمنٹ عملے کی ناقص کارکردگی کے بارے میں کمشنر قلات ڈویژن اور سینئر ممبر بورڈ بلوچستان کو خط لکھا ہے کیوں کہ سٹلمنٹ عملے ڈی سی کے ماتحت نہیں ہیں ڈپٹی کمشنر لسبیلہ حسن وقار چیمہ کھلی کچہری میںلوگوں کے مسائل حل کرنے کے لئے ٹھوس اقدامات نہ کر سکے اور کھلی کچہری میں زیادہ تر کرسیاں خالی نظر آئیں علاقائی معززین اور عوام کو کھلی کچہری کے انعقاد کے بارے میں علاقائی معتبرین کواطلاع نہیں دی گئی تھی اور کھلی کچہری کے انتظامات انتہائی ناقص تھے اور جو چند لوگ کھلی کچہری میں عام لوگ شریک ہوئے شدید گرمی میں پسینے سے شرابور ہورہے تھے کھلی کچہری میں پولیس کی جانب سے کوئی بھی نمائندہ موجود تھا اوربیشترمحکموں کے افسران نے بھی کھلی کچہری میں شرکت نہیں کی