تربت: معروف سیاسی دانشور و نیشنل پارٹی کے مرکزی سیکرٹری ریسرچ اینڈ ایڈوکیسی ڈاکٹرکہور خان کو شاپک میں سپرد خاک کردیاگیا، ڈاکٹرکہور خان گزشتہ شب کراچی میں حرکت قلب بند ہونے کے باعث انتقال کرگئے تھے، ان کی میت کراچی سے جمعہ کی صبح تربت لائی گئی اور یہاں سے قافلے کی صورت میں شاپک لیجایا گیا۔
جہاں سیکڑوں افراد کی موجودگی میں انہیں نیشنل پارٹی کے پرچم تلے سپرد خاک کردیا گیا، نماز جنازہ میں نیشنل پارٹی کے مرکزی فنانس سیکرٹری حاجی فدا دشتی، مرکزی رہنما نثار بزنجو، آل پارٹیز کیچ کے کنوینر اور نیشنل پارٹی کے ضلعی صدر مشکور انور ایڈوکیٹ، بی این پی کے مرکزی رہنما حمل بلوچ، ضلعی نائب صدر شے نزیر احمد، میر انور بلیدی، بی این پی عوامی کے مرکزی رہنما سعید فیض، پروفیسر واحد بخش، ڈاکٹر واحد بخش، ڈاکٹر آصف بلوچ، عبدالصمد ملائی، گوادر پریس کلب کے سابق صدر بہرام بلیدی، ظفر ایڈوکیٹ، کیچ بار کے صدر لطیف ایڈوکیٹ، عابد نور، گہرام مری، سیٹھ یاسین، محمد اقبال بلوچ، پی این پی عوامی مرکزی رہنما قاضی نور احمد، حفیظ علی بخش، لال بخش آزاد، سماجی شخصیت بجار بلوچ، نیشنل پارٹی کے رہنما محمد جان دشتی، بی ایس او پجار کے مرکزی وائس چیئرمین بوہیر صالح ،محمد جان رضا، علی محمد بلوچ، نائب تحصیل دار چنگیز بلوچ، پروفیسر ڈاکٹر صبور بلوچ، علی جان بلوچ، رجب یاسین سمیت دیگر سیاسی وسماجی شخصیات نے شرکت کی