وزیر صحت سندھ عذرا پیچوہو نے کہا ہے کہ انہیں نہیں پتا کہ ویکسین کا اومی کرون پر کیا اثر ہو گا۔
اپنے بیان میں انہوں نے کہا کہ اومی کرون کی وبا تیزی سے پھیل رہی ہے اور اس میں 3 جگہوں پر تبدیلی آ چکی ہے۔
ان کا کہنا تھا کہ ہم نے وفاق سے کہا ہے کہ ریپڈ انٹیجن ٹیسٹ ائیرپورٹس پر دوبارہ شروع کردیا جائے۔
وزیر صحت سندھ عذرا پیچوہو نے عوام سے اپیل کرتے ہوئے کہا ہے کہ وہ ماسک پہنیں، سماجی فاصلہ رکھیں اور سینی ٹائزر استعمال کریں۔
انہوں نے مطالبہ کیا کہ ہمیں 10 لاکھ فائزر ، 5 لاکھ موڈرنا اور 5 لاکھ ایسٹرازینیکا فراہم کی جائیں، یہ تمام ویکسین سندھ میں مفت بوسٹر کے طور پر لگائی جائیں گی۔