خانیوال میں پیپلزپارٹی کے لانگ مارچ کے دوران ڈرون آصفہ بھٹو زرداری سے ٹکرا گیا، جس کے باعث ان کے چہرے پر زخمی آیا ہے۔

پاکستان پیپلزپارٹی کا حکومت اور مہنگائی کیخلاف کراچی سے لانگ مارچ پنجاب پہنچ چکا ہے، جہاں خانیوال میں پی پی کارکنان نے چیئرمین بلاول بھٹو زرداری، آصفہ بھٹو زرداری اور دیگر رہنماؤں کا استقبال کیا۔

اس موقع پر میڈیا کوریج کرنیوالا ایک ڈرون بے قابو ہوکر کنٹینر پر کھڑی آصفہ بھٹو زرداری کے چہرے سے ٹکرا گیا، جس کے باعث وہ زخمی ہوگئیں۔

 آصفہ بھٹو زرداری کو طبی امداد دی جارہی ہے، ڈاکٹر ان کا معائنہ کررہا ہے۔

میڈیا ٹیم کا کہنا ہے کہ سگنل فریز ہونے سے اسکرین بلیک ہوئی اور ڈرون کیمرہ آؤٹ آف کنٹرول ہوگیا تھا۔

دوسری جانب ڈرون ٹیم کے انجینئر اور آپریٹر کو بلاول بھٹو زرداری کی سیکیورٹی ٹیم اپنے ساتھ لے گئی