کاروباری ہفتے کے پہلے روز اوپن کرنسی مارکیٹ میں امریکی ڈالر کے مقابلے میں پاکستانی روپے کی قدر میں ریکوری دیکھنے میں آرہی ہے اور ٹریڈنگ کے دوران ڈالر کی قدر 2 روپے کم ہو گئی جس سے ڈالر 184.50 روپے کی سطح پر ٹریڈ کررہا ہے۔

جمعرات کو اوپن کرنسی مارکیٹ میں ڈالر 190 روپے کی بلند ترین سطح پر پہنچ گیا تھا جس کے اسٹیٹ بینک کی جانب سے سخت مانیٹری پالیسی کا اعلان کرکے شرح سود میں 2.5 فی صد اضافہ کیا گیا جب کہ دوسری جانب سپریم کورٹ نے بھی عدم اعتماد کی تحریک پر ووٹنگ کا حکم دیا تھا۔

کرنسی ڈیلرز کے مطابق مذکورہ دونوں فیصلوں کے باعث ڈالر کی طلب میں کمی آگئی اور جمعہ کو ڈالر کی قدر میں ریکوری شروع ہوگئی تھی۔

پیر کو بھی یہ رجحان برقرار ہے جس کے نتیجے میں اب تک ڈالر کی قدر میں 5.50 روپے کی کمی آچکی ہے