پیٹرولیم مصنوعات کی قیمتوں میں اضافے پرازخود نوٹس کے لئے سپریم کورٹ کے ہیومن سیل میں درخواست کردی گئی ۔

سپریم کورٹ میں درخواست مقامی وکیل مدثرچوہدری ایڈووکیٹ نے دائر کی۔ درخواست کے متن میں کہا گیا کہ پیٹرولیم مصنوعات کی قیمتوں میں اضافہ کیا جارہا ہے،مہنگائی سے غریب خودکشیاں کررہے ہیں،قانون جینے کا ہر شہری کو حق دیتا ہے۔

درخواست میں استدعا کی گئی کہ چیف جسٹس پاکستان اس معاملے پرازخود نوٹس لیں،قوم کی چیف جسٹس پاکستان سے امیدیں وابستہ ہیں۔

یاد رہے کہ گزشتہ روز نگران حکومت نے پٹرولیم منصوعات کی قیمتوں میں بڑا اضافہ کیا ہے۔

وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 17 روپے 50 پیسے فی لیٹر اضافہ کیا گیا ہے ، جس کے بعد پٹرول کی نئ قیمت 290 روپے 45 پیسے ہوگئی۔

نوٹفیکیشن کے مطابق ہائی اسپیڈ ڈیزل کی قیمت میں 20روپے فی لیٹر اضافہ کیا گیا ہے ، جس کے بعد ڈیزل کی نئی قیمت 293 روپے 40 پیسے ہوگئی۔اس کےعلاوہ لائٹ ڈیزل اورمٹی کے تیل کی قیمتوں کو برقراررکھا گیا ہے۔

وزارت خزانہ کی جانب سےکہا گیا ہے کہ عالمی سطح پر قیمتوں میں اضافے کے باعث مقامی سطح پر پیٹرولیم مصنوعات کی قیمتوں میں اضافہ کرنا پڑا۔