آپ نے ہاکی اور فٹبال میں تو ریفریز کی جانب سے کھلاڑیوں کو ریڈ اور یلو کارڈز دکھاتے ہوئے دیکھا ہو گا لیکن اب یہ کارڈز کرکٹ میں بھی دکھائے جائیں گے۔

جی ہاں، آپ کو سن کر حیرت تو ہو رہی ہو گی لیکن یہ حقیقت ہے اور اس کا باقاعدہ آغاز بھی ہو چکا ہے۔

ویسٹ انڈیز میں جاری کیریبئن پریمیئر لیگ کے میچ کے دوران امپائر کی جانب سے کھلاڑی کو ریڈ کارڈ دکھا کر گراؤنڈ سے باہر بھیج دیا گیا۔

کیریبیئن پریمیئر لیگ میں پیٹریاٹس اور نائٹ رائڈرز کے درمیان ہونے والے میچ میں فیلڈ امپائر کی جانب سے نائٹ رائڈرز کے سنیل نارائن کو ریڈ کارڈ دکھا کر گراؤنڈ سے باہر بھیج دیا گیا جس کے بعد ان کی ٹیم نے 10 کھلاڑیوں کے ساتھ فیلڈنگ کی اور اس دوران صرف دو فیلڈرز 30 گز کے دائرے سے باہر فیلڈنگ کر سکتے ہیں۔