خیبرپختونخوا کے دارالحکومت پشاور میں ورسک روڈ پر دھماکا ہوا ہے۔
حکام کے مطابق دھماکا ایف سی کی گاڑی کے قریب ہوا ہے، ابتدائی اطلاعات کے مطابق دھماکے میں 4 افراد زخمی ہوئے ہیں۔
ترجمان ریسکیو کے مطابق امدادی ٹیموں نے ریسکیو آپریشن کا آغاز کردیا ہے جبکہ زخمیوں کو قریبی اسپتال منتقل کردیا گیا۔
ترجمان کے مطابق شدید زخمیوں کو مزید علاج کےلیے ایل آرایچ منتقل کردیا گیا ہے، دھماکے کی نوعیت سے متعلق کچھ کہنا قبل از وقت ہے۔