کوئٹہ:بلوچستان ہائی کورٹ بارایسوسی ایشن کے صدر میر عطاء اللہ لانگو ایڈووکیٹ ،سنیئر نائب صدرجمیل احمد بوستان ایڈووکیٹ،نائب صدرعصمت اللہ اچکزئی ایڈوکیٹ، نائب صدر قلات زون اکرم بلوچ ایڈوکیٹ،نائب صدرژوب زون موسی جان کاکڑ ایڈووکیٹ،جنرل سیکریٹری سید نجیب الدین آغا ایڈووکیٹ،فنانس سیکرٹری ایاز خان کاکڑ ایڈووکیٹ،جوائنٹ سیکرٹری سمیرا عابد ایڈووکیٹ ،پریس سیکرٹری عبدالقادر کاکڑ ایڈووکیٹ، لائبریری سیکرٹری سنان ہوت ایڈوکیٹ نے اپنے ایک مذمتی بیان میں ایڈوکیٹ سپریم کورٹ خالد احمد کبدانی کو فون پر کچھ عناصرکی طرف سے گالم گلوچ اور قتل سمیت سنگین نوعیت کی دھمکیاں دینے کی مذمت کرتے ہوئے کہا ہے کہ ہم واضح کرتے ہیں کہ کسی بھی وکیل کو جان سے مارنے کے دھمکی یا گالم گلوچ کو کسی بھی صورت برداشت نہیں کیا جاسکتا ہے

اور نا ہی اس پر خاموشی اختیار کرسکتے ہیں ۔انہوں نے حکومت بلوچستان،ضلعی انتظامیہ و سائبر کرائم سے مطالبہ کیا گیا کہ خالد احمد کبدانی کو جان سے مارنے کی دھمکی دینے والے شرپسندوں عناصر کو جلد از جلد گرفتار کرکے کیفرکردار تک پہنچایا جائے بصورت دیگر بلوچستان ہائی کورٹ بار ایسوسی ایشن حکومت ، انتظامیہ اور سائبر کرائم اور متعلقہ اداروں کے خلاف سخت سے سخت موقف اپنائے گے اور اس ضمن میں بھرپور احتجاج کا حق محفوظ رکھتے ہیں