جبری گمشدگی کے شکار سید اختر شاہ اور ان کے والد سید حسین شاہ کی اغوا نما گرفتاری اور گمشدگی کے خلاف ان کے اہلِ خانہ نے کوئٹہ سے کراچی مین آر سی ڈی روڈ قلات کے مقام پر احتجاجاً بلاک کر دیا ہے۔
دیں اثناء بلوچ یکجہتی کمیٹی قلات نے اختر شاہ اور انکے والد کی اغواء نما گرفتاری کیخلاف پرامن احتجاج کی مکمل حمایت کر تے ہوئے قلات کے تمام باشعور عوام سے اپیل کی ہے کہ وہ اس احتجاج میں بھرپور شرکت کریں اور جبری گمشدگیوں کے اس ظلم کے خلاف مؤثر آواز بلند کریں۔