کوئٹہ: وزیراعلیٰ بلوچستان سرفراز بگٹی نے بلوچستان میں تشدد کے اثرات اور ریاست کی اہمیت پر اپنی شدید تشویش کا اظہار کرتے ہوئے کہا کہ “تشدد کا سب سے زیادہ نقصان بلوچستان کو ہوا ہے۔ پاکستان ایک حقیقت ہے، اور اسے تشدد کے ذریعے نہیں توڑا جا سکتا۔

انہوں نے مزید کہا، “بلوچستان کو اپنے حقوق آئین کے تحت ملے ہیں، اور ترقی پورے پاکستان کا مسئلہ ہے

وزیراعلیٰ نے کہا کہ بلوچ کو یہ فیصلہ کرنا چاہیے کہ کون ان کی زیادہ خدمت کر رہا ہے، کیونکہ کئی دہائیوں سے ریاست غیر مستحکم ہے۔

سرفراز بگٹی نے اس بات پر زور دیا کہ “ریاست اہم ہے، سیاست نہیں۔” انہوں نے کہا کہ مذاکرات کی بات کرتے ہوئے وہ ان لوگوں کے ساتھ بات کرنے کے لیے تیار ہیں جو بندوق کی زبان بولتے ہیں۔

وزیراعلیٰ نے مزید کہا کہ “ریاست کو کیک کی طرح دہشت گردوں کے ہاتھوں کاٹنے کی کوشش کی جا رہی ہے۔ اس ایوان کو اٹھنا ہوگا اور اس سنگین صورت حال کا مقابلہ کرنا ہوگا۔

سرفراز بگٹی نے کہا کہ “نہتے لوگ کیوں پاکستان کے پرچم کی بے حرمتی کرتے ہیں؟ اور کیوں اپنے منہ چھپاتے ہیں؟” انہوں نے کہا کہ بلوچستان کی صورتحال سنگین صورت اختیار کر چکی ہے اور اس پر فوری کارروائی کی ضرورت ہے۔

وزیراعلیٰ نے اسمبلی کے اراکین سے درخواست کی کہ وہ بلوچستان کی موجودہ صورتحال پر سنجیدگی سے غور کریں اور مشترکہ اقدام اٹھائیں۔