تربت :18 فروری 2025 کو پاپولیشن ویلفیئر ڈیپارٹمنٹ کیچ کی جانب سے تربت کے علاقے کلاتک میں ایک آگاہی سیشن کا انعقاد کیا گیا۔

یہ سیشن کمیونٹی بیسڈ فیملی پلاننگ ورکرز، بیبل اور شکیلہ نے منعقد کیا، جس کا مقصد اپنی کمیونٹی میں خاندانی منصوبہ بندی کی اہمیت کو اجاگر کرنا تھا۔ انہوں نے کہا کہ خاندانی منصوبہ بندی ایک اہم سماجی اور طبی عمل ہے جو والدین کو بچوں کی پیدائش کے درمیان مناسب وقفہ رکھنے اور اپنے وسائل کے مطابق بہتر زندگی گزارنے میں مدد دیتی ہے۔

اس سے نہ صرف ماں اور بچے کی صحت بہتر ہوتی ہے بلکہ خاندان کی مجموعی فلاح و بہبود بھی ممکن ہوتی ہے۔ خاندانی منصوبہ بندی سے خواتین کی صحت پر مثبت اثرات مرتب ہوتے ہیں، جبکہ بچوں کو بھی زیادہ توجہ اور بہتر پرورش ملتی ہے۔ یہ ایک باشعور اور خوشحال معاشرے کی تشکیل میں اہم کردار ادا کرتی ہے۔اس موقع پر مہمانِ خصوصی باجی خدیجہ بھی موجود تھیں، جنہوں نے اپنے خیالات کا اظہار کیا۔ انہوں نے خاندانی منصوبہ بندی کی ضرورت اور اس کے مثبت اثرات پر روشنی ڈالی۔ ان کا کہنا تھا کہ خاندانی منصوبہ بندی نہ صرف والدین بلکہ پورے معاشرے کے لیے فائدہ مند ثابت ہوتی ہے۔

یہ سیشن کمیونٹی کے افراد کے لیے نہایت مفید ثابت ہوا، جس میں انہیں خاندانی منصوبہ بندی کے مختلف پہلوؤں کے بارے میں آگاہی دی گئی اور بہتر زندگی کے لیے عملی اقدامات کی ترغیب دی گئی۔اس موقع پر سیکریٹری پاپولیشن ویلفیئر ڈیپارٹمنٹ بلوچستان، عبداللہ خان کاکڑ کا خاندانی منصوبہ بندی کی اہمیت کے حوالے سے کہنا ہے کہ یہ ایک خوشحال اور صحت مند معاشرے کی بنیاد رکھنے میں کلیدی کردار ادا کرتی ہے۔ ان کے مطابق، خاندانی منصوبہ بندی نہ صرف ماں اور بچے کی صحت کو بہتر بناتی ہے بلکہ آبادی میں توازن پیدا کرکے سماجی و اقتصادی ترقی میں بھی مددگار ثابت ہوتی ہے۔

انہوں نے مزید کہا کہ پاپولیشن ویلفیئر ڈیپارٹمنٹ بلوچستان اس مقصد کے لیے مختلف آگاہی مہمات اور عملی اقدامات کر رہا ہے تاکہ عوام کو خاندانی منصوبہ بندی کے فوائد سے روشناس کرایا جا سکے۔ ان کا ماننا ہے کہ اس حوالے سے شعور بیدار کرنا اور صحت مند معاشرتی رویے اپنانا وقت کی اہم ضرورت ہے، تاکہ آنے والی نسلوں کے لیے ایک بہتر اور مستحکم مستقبل یقینی بنایا جا سکے۔