درخواست گزار نے مزید کہا کہ ڈاکٹر ماہ رنگ بلوچ کے خلاف جو مقدمات قائم کیے گئے ہیں، ان میں ان کی گرفتاری شامل نہیں تھی۔ اس پر ان کے وکیل عمران بلوچ نے عدالت سے استدعا کی کہ مقدمات کی تفصیل فراہم کرنے کے لیے سرکاری حکام کو ہدایت جاری کی جائے۔

بلوچستان ہائیکورٹ کے جسٹس روزی خان بڑیچ اور شوکت رخشانی پر مشتمل بینچ نے درخواست کو سماعت کے لیے منظور کرتے ہوئے فریقین کو نوٹسز جاری کیے۔ ایڈووکیٹ جنرل بلوچستان اور پراسیکوٹر جنرل کی درخواست پر عدالت نے ایک ہفتے کی مہلت دیتے ہوئے مقدمات کی تفصیل فراہم کرنے کی ہدایت کی۔

اس کے علاوہ، عدالت نے ڈاکٹر ماہ رنگ بلوچ کے رشتہ داروں اور ان کے وکیل کو جیل میں ان سے ملاقات کی اجازت بھی دے دی۔