امریکی محکمہ خارجہ کے مطابق ہفتے کے دن امریکی سیکرٹری خارجہ مارکو روبیو نے پاکستان کے آرمی چیف جنرل عاصم منیر سے بات کرتے ہوئے تنازع کم کرنے کے کیے ثالثی کی پیشکش کی۔

واضح رہے کہ یہ فون کال ایک ایسے وقت میں ہوئی جب سنیچر کے دن پاکستان کی جانب سے انڈیا کے خلاف جوابی کارروائی کا آغاز کرنے کا اعلان اور انڈین عسکری تنصیبات کو نشانہ بنانے کا دعوی کیا گیا۔

امریکی محکمہ خارجہ ترجمان ٹیمی بروس کی جانب سے جاری ہونے والے بیان کے مطابق امریکی سیکرٹری خارجہ مارکو روبیو نے پاکستان کے آرمی چیف جنرل عاصم منیر سے رابطہ کیا اور اس بات پر زور دیا کہ ’فریقین کشیدگی کم کرنے کے طریقے ڈھونڈیں۔‘

اس بیان کے مطابق امریکی خارجہ سیکرٹری نے جنرل عاصم منیر سے بات کرتے ہوئے مستقبل میں تنازع سے بچنے کے لیے ’بات چیت کا آغاز کرنے کے لیے امریکی ثالثی کی پیشکش بھی کی۔