کوئٹہ:پاکستان پیپلز پارٹی کے رہنما و صوبائی مشیر بلدیات نوابزادہ امیر حمزہ زہری نے کہا ہے کہ فوج نے فجر کے وقت آپریشن بنیان مرصوص کا آغاز کر کے بھارت کو منہ توڑ جواب دیا اور پاک فوج نے ثابت کر دیا کہ وہ دنیا کے ہر چیلنج کا ڈٹ کر مقابلہ کرنے کی صلاحیت رکھتی ہے،یوم تشکر منانے کا مقصد اللہ تعالیٰ کا شکر اداکرنا ہے کہ اس نے پاک فوج کو دشمن کے خلاف فتح سے ہمکنار کیا۔یوم تشکر کے موقع پراپنے ایک پیغام میں نوابزادہ امیرحمزہ زہری نے کہا کہ پاکستان ایک پرامن ملک ہے جس نے ہمیشہ اپنے ہمسایوں کیساتھ اچھے تعلقات کی خواہش کا اظہار کیا ہے
لیکن ہمارے ازلی دشمن بھارت نے پاکستان کی خاموشی کو کمزوری سمجھ لیا اور پہلگام واقعہ کو بہانہ بناکر پاکستانی پر جارحیت کی لیکن پاک فوج نے دشمن کو بھر پور جواب دیتے ہوئے پاکستانی قوم کا سرفخر سے بلند کردیا ہمیں اپنی پاک فوج پر ناز ہے جو ملک کی سرحدوں کا دفاع کرنا اچھی طرح جانتی ہے۔انہوں نے کہا کہ ملک کی سالمیت و دفاع کے لئے افواج پاکستان اور قوم سیسہ پلائی ہوئی دیوار کی مانند کھڑی ہے ، فتح کا یہ جشن ان بہادر جوانوں سے اظہار تشکر کے بغیر ممکن نہیں جنہوں نے دشمن کو دھول چاٹنے پر مجبور کردیا۔
نوابزادہ امیر حمزہ زہری نے کہا کہ پاک فوج نے دشمن کی اینٹ کا جواب پتھر سے دیکر یہ ثابت کردیا کہ پاک فوج ملک کی سالمیت پر کسی بھی قسم کا سمجھوتہ نہیں کریں گی۔ انہوں نے کہا کہ ہم آج ملک کے دفاع میں جانوں کے نذرانے دینے والے پاک فوج کے جوانوں کو خراج عقیدت پیش کرتے ہیں اورانکے اہل خانہ سے ہمدردی کا اظہار کرتے ہیں۔
Leave a Reply