جھالاوان عوامی پینل کے سربراہ میر شفیق الرحمن مینگل نے کہا ہے کہ خضدارمیں دہشتگردوں کے سامنے غیرت سے مزاحمت کرنے والے شہید لیویز اہلکاروں کا خون رائیگان نہیں جائے گاشہید جوانوں نے بْزدلوں کے سامنے ڈٹ جانے کو ترجیح دی اور غیرت ایمانی سے دہشتگردوں کا مقابلہ کیا پوری قوم کو اپنے بہادر دلیر جوانوں پر فخر ہیں۔

یہاں جاری ہونے والے ایک بیان میں میر شفیق الرحمن مینگل نے کہا کہ خضدار صمند لیویز چیک پوسٹ پر دہشتگروں کے ساتھ لیویز فورس کے جوانوں نے مقابلہ میں جامِ شہادت نوش کیا ہے راہ حق کے شہداء ہمیشہ زندہ رہیں گے اْنکی قربانیوں کو ہمیشہ یاد رکھا جائے گا۔انہوں نے کہا کہ شہید جوانوں کے خاندانوں کے غم میں برابر کے شریک ہے اللہ تعالی شہداء کی مغفرت فرمائے اْنکی عظیم قربانی کو قبول فرمائے۔