بلوچستان ہائیکورٹ کے الیکشن ٹریبیونل نے کوئٹہ کے حلقہ پی بی 38 اور پی بی 46 میں دائر 2 انتخابی عذرداریاں خارج کردیں۔
بلوچستان ہائیکورٹ کے جج جسٹس عامر نواز رانا پر مشتمل الیکشن ٹریبونل نے محفوظ فیصلے سنائے۔
پی بی 38 کوئٹہ ون سے کامیاب اے این پی کے نعیم بازئی کے خلاف جمعیت علمائے اسلام کے عین اللہ شمس نے درخواست دائر کی تھی۔
پی بی 46 کوئٹہ 9 سے کامیاب بی اے پی کے پرنس عمر احمد زئی کی کامیابی کے خلاف جمعیت علمائےاسلام کے سردار احمد خان شاہوانی نے انتخابی عذرداری دائر کررکھی تھی۔