بلوچی اکیڈمی ءَ وتی مہتل داشتگیں پراجیکٹ انسائیکلوپیڈیا ’’ بلوچستانیکا‘‘ ءَ را دو بَر بِندات کُتگ۔ اے انسائیکلوپیڈیا ءَ بلوچ، بلوچی ءُ بلوچستان ءِ بابت ءَ انگریزی زبان ءَ پولکاری نبشتانک چھاپ ءُ شِنگ کنگ بنت۔ انسائیکلوپیڈیا ءَ جہل ءِ داتَگیں بُنگپّانی سرا نبشتانک چھاپ بنت؛
بلوچ: بلوچ ، کوٛہنیں تاریخ ، ٹَکّ ءُ قبیلہ ، تاریخ قرون وسطیٰ ، بلوچ راجی پجّار ، دود ءُ ربیدگ ، شِرک ءُ پال ءُ لیجنڈز ، بلوچ دین ءُ مذہب ، ساز ءُ زیمل
2.بلوچی: بلوچی زبان ءِ تاریخ ، لبزانک ، شاعری ، فکشن ، نن فکشن ، بتلءُ گوشتن ، داستان
بلوچ ءِجغرافیہ: بلوچستان ءُ آئی ءِ جغرافیائی حدّ ءُ حدود ،سیاسی جغرافیہ ، کوہانی نام ءُ تفصیل
دریا ءُ کورانی نام ءُ تفصیل ، جاگہانی نام ءُ تفصیل ، پَٹّ ءُ زیدانی نام
بلوچستان: کوٛہنیں تاریخ، قرون وسطی ءِ تاریخ، انّوگیں تاریخ ،بلوچانی نامداریں راجی، سیاسی ، چاگردی ءُلبزانکی بامردانی پجّار ، دلوت ءُ جناور ، بلوچستانءَ درچک، کاہ، نیوگ ءُسبزگ ، بلوچستان ءِ زِر ءُ ماہیگ
بلوچستانءَ مُرگ ءُ ساہدار
اکیڈمی ءَ پہ انسائیکلوپیڈیا بلوچستانیکا پروجیکٹ ءِ کارانی سرجم کنگ ءَ اے مردم نامینتگ اَنت
ہیبتان عمر: پراجیکٹ ڈائریکٹر
ڈاکٹر نصیر دشتی: چیف ایڈیٹر
پروفیسر صدیق بلوچ: کوارڈینیٹر
سنگت رفیق:اسسٹنٹ کوارڈینیٹر
ذاکر قادر : اسسٹنٹ کوارڈینیٹر
انسائیکلوپیڈیا پراجیکٹ ءِ نامینتگیں کارِندہ اول سرا صد ءَ گیش پولکار، نبشتہ کار ءُ وانندہیں مردماں درگیج اَنت ءُ چراہاں پٹ ءُ پولی نوشتانک ءِ دست بندی کن اَنت۔ اکیڈمی اے پولکار ءُ نبشتہ کاراں مُزّ دَنت، آہانی نبشتانکاں رَد ءُ گچین (ایڈٹ) ءَ پد انسائیکلوپیڈیا ءَ چھاپ ءُ شِنگ کنت۔ نبشتہ کار ءُپولکار وتی نبشتانکاں ماں بلوچی، فارسی ءُ اُردو ءَ ہم نبشتہ کُت کن اَنت کہ ایشاناں انگریزی ءَ رجانک کنگ بیت۔
انسائیکلوپیڈیا ءِ کار آسانیں کارے نہ اِنت۔ پریشی ءَ چہ ہزگاریں بلوچاں مالی کُمَک ءُ پولکار ءُ نوشتہ کارانی نبشتانکی کُمَک درکار اِنت۔ اکیڈمی گوں وانندہیں نوشتہ کار، پولکار ءُ زانتکاراں دست بندی کنت کہ آ پرے قومی کار ءَ اکیڈمی ءِ مَدَتّ ءَ بہ کن اَنت ءُ بلوچ ہزگاریں مردم پرے مقصداں مالی کُمَک بہ کن اَنت تاں کہ اے پروجیکٹ گوں سوب مندی ءَ سرجم بہ بیت۔
Email: balochiacademy@gmail.com