کوئٹہ : مستونگ کے علاقے دشت میں ریلوے ٹریک کے قریب دھماکے کی اطلاع ملی ہے، تاہم پولیس نے بتایا کہ اس دھماکے کے نتیجے میں کوئی جانی نقصان نہیں ہوا۔

پولیس کے مطابق دھماکہ کے فوراً بعد جائے وقوعہ کو گھیرے میں لے لیا گیا ہے اور سیکیورٹی فورسز نے تحقیقات کا آغاز کر دیا ہے۔ ابتدائی طور پر دھماکے کی نوعیت کے بارے میں تفصیلات سامنے نہیں آئیں، لیکن پولیس نے اس پر مزید تحقیقات کرنے کا اعلان کیا ہے۔

واقعہ کے بعد علاقے میں سیکیورٹی فورسز کی اضافی نفری تعینات کر دی گئی ہے تاکہ کسی بھی ناخوشگوار صورتحال سے بچا جا سکے۔ پولیس حکام کا کہنا ہے کہ اس دھماکے کا مقصد واضح نہیں ہے، تاہم وہ اس کی تحقیقات جاری رکھے ہوئے ہیں۔