یکبرے ماکہ چہ اے دنیا ءَ شتیں
مارا بیاریت اے زمانگ چہ کجا

وش تواریں گشندہ امام بخش ملیری ءَ ساز ءُُ زمیل ءِ پڑ ءَ کئے نہ زانت ؟

امام بخش ءِ گوں وتی نام ءَ چو پنام ءَ ملیری ہمگرنچ کنگ ءَ چہ زانگ بیت کہ آئی ءَ گوں میتاپیں سرسبزیں ملیر ءَ سک حب ءُُ مہر بوتگ1951 ءَ صاحب داد میتگ ملیر ءَ ودی بوتگیں امام بخش ءِ سرجمیں زند ملیر ءَ گوستگ ۔ آوہدی ملیر سبزیں ڈگار برز ءُ بزیں درچکانی ساہگ ءَ قطاریں مچانی گنج ءَ مثل بانورے بوتگ ۔

سہب ءُ بیگاہانی ساعتاں سارتیں گوات ءِ کشگ ۔ گوات ءِ سبزین درچکانی نرم نرم ءَ شیکینگ۔ شانتل ءُُ کپوتانی ریمریں توارانی سہ ءَ ملیر ءِ نام داں دور دور ءَ جکستگ۔ملری ءِ زید ءَ کپوتانی وشیں توار ءِ پیچی ءَ 1970 ءِ دیک ءَ یک آدم زازے ءِ الہانیں توارے ءَ ملیر جکسینت کہ اے توار امام بخش ملیری ءِ نام ءَ چہ ساز ءُُ زیمل ءِ پڑا زانگ بوت۔ امام بخش ملیری ءِ نام نامداریں گشند جاڑوک ، امام بخش مستانہ امام بخش سجنا ءِ دور ءِ لڑ ءَ ہوار انت ۔

ساز ءُُ زیمل ءِ پڑا امام بخش ءِ ازم چنکس مہکم انت اے رد ءِ منی وڑیں انسانے کہ چہ ساز ءُُ زیمل ءِ علم ءَ چہ نہ بلد بہ بیت ءُُ ازمکارے ازم ءِ لبزانی پوشاک ءَ گوں مان بہ پوشیت پدا ہم ازمکاراے زم ءُُ پرعزمیں ازم ءَ گوں انصاف کت نہ کنت ۔ بلئے امام بخش ملیری ءِ سوتانی گوشدارگ ءَ زرد وش نودبیت ءُُ ہمے حیال جہ جنت کہ امام بخش ملیری ءَ ناوانندہی جاہ ءَ ہم شاعرانی شعر پہمتگ انت ءُُ یک جتائیں تب ءُُ اندازی ءَ گوں ساز ءُُ زیمراں رنگ اتگ انت کہ ایشانی گوشدارگ ءَ گیمرتگیں ارواح بست کنت ۔

ہمے سبب انت کہ آئی ءَ دہ ءَ چہ گیش کیسٹ مارکیٹ ءَ شنگ بوتگ ۔ آئی ءِ گوشتگیں سوتانی تہا ’’سوچے منی دل ءَ نیست انت ترا وفا‘‘یاکہ اتکوں ماملیر ءَ دوستانی ہاترا‘‘یا مروچی دل گل ءَ بالیں گلیں مہرنگ پیداک انت‘‘ ءُُ دگہ بازیں انچیں سوت آئی ءِ نامداری ءِ سبب جوڑ بوتگ انت ۔ آئی ءِ لہتیں سوتانی گیت مالا جوڑ کنگ ءُُ خاران پروڈکش ملیر ءِ نیمگ ءَ چہ ویڈیوے شنگ کنگ بوتگ ۔

بے راہ بندیں چاگرد ءَ راہ بندانی پاسداریں گشندہ ، شاعر ندکار وتی جند ءِ اڑ ءُُ جنجالاں شموش انت ءُُ زند ءِ ہمک پلو پہل صراط سرپد بنت۔ مرادانی گلزمین ءَ ازم ءِ توم ءَ کشان بنت پہ ہمے حاترا کہ راج ءِ اوبادگ تچکیں راہ مثل کاروان وتی منزل ءَ سر بہبیت امام بخش ملیری ہم زند ءِ پل صراط ءَ چہ سرگوستگ ءُُ وتی ازم وتی برازک عمران حیدر ءِ دستاں داتگ ءُُ سے شمبے ءِ روچ 20 مئی 2014چہ اے جہان ءَ رپتگ ۔ امام بخش ملیری ءِ ازمی جہد پہ انوگیں گشندہاں ازم ءِ آدینک انت۔