(گڈی بہر)
طاہرہ احساس جتک:
طاہرہ آر۔کے۔جتکءِ قلمی نام انت۔ بانک 1955ء، ایم اے ءَ داں وانتگ ءُُ انوں اردو ءِ لیکچرار اِنت۔آئی ءَ وتی زہگ حمیرا صدف وانینتگ ءُُ مرچی آ ہم فلسفہ ءِ لیکچرار انت۔ طاہرہ احساس جتک وتی وانگی دور ءَ چہ لبزانی دیواناں ہوار بوتگ۔ ہما وہد اردو، براہوی ءُُ بلوچی نبشتہ کتگ آئی ءَ آزمانک،دستونک، ءُُ لچہ نبشتہ کتگ۔ خضدار ریڈیو پاکستان ءِ اولی جنین آدم میں اناؤنسر، کمپئیر بوتگ۔ آئی اردو ءَ یک براہوئی ءَ دو ءُُ بلوچی ءَ سے کتاب چھاپ بوتگ۔

عالم اضطراب ہے یا رب
جانے کیسا عذاب ہے یارب

طا ہرہ بلوچ:
1965ء کوئٹہ ءَ ودی بوتگ۔بانک ءَ را شاعری ءِ حب بوتگ ہمے پڑ ءَ کارے کتگ۔

تکمیل محبت کی ادا دیکھ رہے ہیں
ان آنکھوں سے کیا دیکھ رہے ہیں

ڈاکٹر سمی پرواز:
1974ء ءَ تربت ءَ غنی پرواز ءِ لوگ ءَ ودی بوتگ۔ وتی بنداتی وانگ چہ تربت ءَ دربرتگ۔وانگ ءَ سوبمندی بوتگ مرچاں یک میڈیکل آفیسرے ءِ جہت ءَ تربت ءَ کار کنگ ءَ انت۔۔2009ء ءَ وتی لچہانی کتاب ”عذاب لمحوں کے غمکدے میں‘چھاپ کتگ۔

ڈاکٹر عظمیٰ قادری:
1971ء ءَ بانک ودی بوتگ۔بانک ئئِ وانگ ءَ 1991ء میں بی۔ایم۔سی کوئٹہ ءَ اوپن میرٹ ءِ سیٹ گپتگ ءُُ سوبمندی بوتگ۔ چہ کسانی ءَ گوں لبزانکی پڑاں ہوار بوتگ۔شاعری ءِ حب دار بوتگ ءُُ ہمے پڑ ءَ کارے کتگ۔

عشق کا ماتم کدہ تھا،دشت تھا تنہائی تھی
زندگی نوحہ کناں تھی کر بلا سے آئی تھی

نوشین قمبرانی:
پروفیسر نادر قمبرانی ءِ بانکیں زہگ1976ء ءَ کوئٹہ ءَ ودی بوتگ۔شاعری ءَ ابید بانک ءَ آزمانک ءُُ بازیں نبشتانک نبشتگ۔ انوں بانک پی۔ایچ۔ڈی کنگ ءَ انت۔

ڈاکٹر فہمیدہ بلوچ:
بانک ءِ سیادی گوں نبشتہ ءَ اِنت ءُُ داں مرچی آ جنگ اخبار ءَ نبشتہ کنگ ءَ انت۔ نبشتانک ابید بانک ءَ را شاعری ءِ ہم حب بوتگ۔

زاہدہ رئیس راجی:
زاہدہ رئیسی ءِ بنی جاہ سیستان بلوچستان انت بلئے نوں لیاری ءَ اتکگ ءُُ جاہ منند انت 1977ء ءَ بانک ودی بوتگ۔وانگ ءَ پد بازیں کدگاں کارے کتگ بلئے لبزانک ءِ حب آئی ءَ نبشتہ فرمائیت۔

ایک جانب ہے فنا کا رستہ
دوسری جانب ہے بقا کا رستہ

حمیرا صدف حسنی:
بانک 1978ء ءَ خضدار ءَ ودی بوتگ۔ وتی درائیں وانگی چہ بلوچستان ءَ وانگ ءُُ دربرتگ۔بانک ءَ لبزانکی پڑا بازیں کتابے نبشتگ۔ءُُ شاعری ءَ گوں ہمبندیں زالے

میں معصوم گل اور نازک کلی ہوں
میں مہر و محبت میں ہی دوستی ہوں

نیلم مومل:
شمشاد نیلم ءِ اصل نام اِنت بانک 1980ء ءَ ماں مستونگ ءَ ودی بوتگ۔ بانک ءِ واہگ لبزانکی پڑ بوتگ ءُُ ہمے پڑ ءَ نبشتہ کنگ ءَ انت۔اے وہداں داں بانکءِ بازیں کتابے ردانک ءُُ شاعری ءِ پڑاں نبشتگ۔وتی زانت ءِ پداں بازیں دادے اوں گپتگے۔

تیری یادوں کے اسباب
میرہ نیند نہ میرے خواب

مہناز غنی:
1981ء ءَ غنی پرواز ءِ لوگ ءَ وادی بوتگ ءُُ انوں تربت گرلز کالج ءَ لیکچرار انت۔بانک اردو ءُُ بلوچی ہردو زباناں نبشتہ کنت۔

عذرا بروہی:
عذرا بروہی ڈاکٹر شمع اسحاق ءِ مستریں گہار اِنت۔بانک مسلم باغ ءَ ودی بوتگ ءُُ وانگی سرجم ءَ کوئٹہ ءَ دربرتگ۔ شاعری ءِ حب داریت ءُُ ہمے پڑ ءَ نبشتہ کنت۔

ہے حسیں یہ رات حسیں
سب کچھ ہے حسیں پر تو ہی نہیں

گڈی ءَ بس ہمے گشگ لوٹاں کہ اداں ایوک ءَ ہمے کتاب ءِ چمشانک دئیگ ءَ ءُُ اے گشگ ءَ کہ اے کتاب ءَ کجام نبشتہ کارانی بابت ءَ دئیگ بوتگ۔پہ بلوچ جنین آدمانی سرپدی ءَ اے کتاب یک جوانیں کتابے ءِ جاہ ءَ زانگ بیت۔