دوحہ: فٹبال ورلڈ کپ 2022ء کا کوارٹرفائنل مرحلہ آج (جمعہ ) سے شروع ہوگا جس میں دو میچز کھیلیں جائیں گے۔قطر میں جاری فیفا ورلڈ کپ میں سیمی فائنل تک رسائی کی جنگ آج سے شروع ہورہی ہے۔
پہلا کوارٹر فائنل 5مرتبہ کی عالمی چمپئن نیمار کی برازیل اورگزشتہ ورلڈ کپ کی فائنلسٹ کروشیا کے درمیان آج پاکستانی وقت کے مطابق رات 8بجے ایجوکیشن سٹی سٹیڈیم میں کھیلا جائیگا، جبکہ دوسرا کوارٹر فائنل میچ لائنل میسی کی ارجنٹینا کامقابلہ نیدرلینڈز کے ساتھ رات 12بجے لوسیل سٹیڈیم میں ہوگا۔
تیسرا کوارٹر فائنل میچ میںہفتہ 10دسمبر کورات 8بجے پرتگال اور مراکش کے درمیان التہمامہ سٹیڈیم میں ہوگا جبکہ اسی روز چوتھا کوارٹر فائنل میچ رات 12بجے دفاعی چمپئن فرانس اور انگلینڈ کی ٹیموں کے درمیان البیت سٹیڈیم میںکھیلا جائے گا۔