کرسٹیانو رونالڈو، کریم بینزیما، ریاض مہریز اور کانٹے کے بعد اب نیمار جونیئر بھی سعودی عرب میں کھیلیں گے۔

برازیل کے اسٹار فٹبالر نیمارجونیئر نے فرنچ کلب پیرس سینٹ جرمین (پی ایس جی) چھوڑ کر سعودی عرب کا کلب الہلال جوائن کرلیا ہے۔

31 سالہ کھلاڑی نیمار نے 98.5 ملین ڈالرز کےعوض فرانسیسی کلب پی ایس جی چھوڑنے کے بعد سعودی عرب کے کلب الہلال سےدو سال کا معاہدہ کرلیا ہے۔

برازیلین کھلاڑی نیمار کا الہلال کلب میں ٹرانسفر، میڈیکل اور ضروری دستاویزات کے مکمل ہونے سے مشروط ہے۔

نیمار جونیئر نے 2017 میں بارسلونا کلب چھوڑ کر 200 ملین پاؤنڈ کی ورلڈ ریکارڈ فیس کے عوض  پی ایس جی کلب جوائن کیا تھا۔

رپورٹ کے مطابق نیمار جونیئر کو سعودی کلب سے سالانہ 150 ملین یوروز ملیں گے جو اُن کو پرانے کلب پی ایس جی سے ملنے والی رقم سے چھ گنا زیادہ ہے۔

نیمار نے 6 برس میں پی ایس جی کیلئے 173 میچز کھیلے، کلب کو 13 ٹرافیز جتانے میں بھی کردار ادا کیا۔