رافیل کورئیا نے ٹویٹ میں کہا کہ یہ ایک سانحہ ہے جس میں کوئی بھی زندہ نہیں بچ سکا۔ فوجی طیارے کی تباہی کی وجہ فوری طور پر سامنے نہ آسکی۔ چینی خبر رساں ادارے ژینوا نیٹ نےرپورٹ کیا کہ پائلٹ نے فوجی ہوائی اڈے پر ریڈیو کے ذریعے رابطہ کیا تھا کہ موسم نہایت خراب ہے لہٰذا واپسی کی اجازت دی جائے لیکن اس کے فوری بعد ہی طیارے کا رابطہ منقطع ہوگیا تھا۔ ایکواڈور کی فوج کی جانب سے جاری کیے گئے اعلامیے میں کہا گیا ہے کہ طیارے میں 2 پائلٹس، ایک مکینک اور 19 پیرا ٹروپرز سوار تھے۔ ایکواڈرو میں سوشل میڈیا پر تباہ شدہ جہاز کے ملبے کی تصاویر گردش کر رہی ہیں۔ برطانوی نشریاتی ادارے بی بی سی کی رپورٹ کے مطابق فوج کا تباہ ہونے والا جہاز اسرائیلی ساختہ Arawa تھا جو مقامی وقت کے مطابق دن کے 2 بج کر 20 منٹ پر تباہ ہوا۔