گوں مدامی ایں نرمیں کندگاں ’ ’توجیل بوتگئے یا حج ءَ بوتگئے ؟ تئی سر گشگان انت کہ اے دوئیں وڑان یک وڑے بوتگ ۔‘‘فدااحمد ءَ جست کت’’ تو بل منی سر ءَ ،بلئے ترا کیاھال داتگ کہ من مرچی اتکگ اوں یا آھگانوں ؟ وھدے کہ من وتی لوگ ءِ مردماناں ءَ من وتی آھگ ءِ ھال نداتگ تو منی آھگ ءَ چوں سہی بوتگ ئے من پسودات چو ناہ ءَ من ءَ دوشی شبینگ بوتگ کہ تو اتکگ ئے ءُُ لوگائے ۔۔۔ھمے واستہ من پگاھیال کت کہ ترا بگنداں او فدا جان من مرچی پگین سہب ءَ سر بوتگ اوں بلئے ترا دوشی شبینگ بوتگ ۔ازل ءَ گپ اش انت کہ فدا احمد وتی سنگتانی وابستہ دلاپ اتءُُ ھروھد ءَ وتی سنگتانی گم ئے دل ءَ ات۔
فدا احمد 1957 ء کوشک ءَ ودی بوتگ ءُُ کوشک چہ مئے گس /میتگ ءَ چہ دہ/بانزدہ دمان ءِ راہ انت ءُ ھمےُ چہ وتی لوگ ءُُ درھتگوں گڈا آئی لوگ ءَ منی چم کپتگ پدا 1957 ء ءَ چہ پد آئی ءَ 1976 ءَ دراں ڈیھہی ءَ دچار وارت ۔کہ آ ھما دمگ ءَ تر ءُُ گردی ءَ اتکگت بزاں دہ (10) سال ءَ پد اول رند ءَ من گوں فدا احمد دپ کپتگ اتوں اش وھد ءَ آ بچکی ءَ چہ نوک ردومیں ورنا ئے ات۔چست ءُُ پرس ءَ چہ پد سہی بوت اوں کہ آئی ءَ شانزدہ جماعت اکنامکس(M.A Economics) کتگ ءُُ شانزدہ جماعت انگریزی کنگا انت (M.A English) ایش درگت ءَ لہتیں وھدءَ پد منی جست ءُُ پرس ءَ من سہی بوت کہ آئی ءَ عالم فاضل بلوچی ءُُ براھوئی زبان ءَ ھم چہ بلوچستان یونیورسٹی سرجم کتگ آ یک بلاھیں وانندگیں زانتکار ءُُ کواس ات بی ایس او مزن کار گشاد فدا احمد ءِ مستریں کار کہ دست ءَ گپتگ ات ورنا ءُُ دمگ ءِ مھلوک ءَ سوگاہ کنگ کہ بلوچ سرڈگار ھشک ءُُ کوہ ءُُ ریکے نہ انت چو کہ مارا ریپنگ بوگا انت بلے اشی ئے چیر ء۔ دنیا ءِ ملکاں چہ گیش مادن کوہ ءُ زمین ءِ چیر ءَ اللہ تعالی ءَ چیر داتگ کہ ایش بزگیں راج مرچی ءَ پشت ءَ کپتگ ءُُ وھدے کہ اش واندگ ءُُ زانتکار بنت وتی مڈی ءَ چہ سرٖڈگار ءَ پد جنت بلئے چد ءُ سر کہ مھلوک ءُُ ورنا واندگ بہ بنت۔ ایش ملام ءُُ انگرانت دگہ راجانی ۔ءُُ اش سرڈگار ءَ اش وھدی ھرمادنے ءِ کہ درکپگا انت چیرولانی جنگا انت ئے ءُُ ایندگہ ملکانی مادن یک ءُُ دو انت بلئے مئے سرڈگار ءَ دنیا ءِ دراھیں مادن است انت ءُُ ابید چہ ایشی یک دراج ءُُ پرا ہ ءُُ شاھیگانیں ذر ءُُ وشیں تیاب کہ دنیا ءِ دراھیںآپی بیپار چہ ھمے راہ ءَ بنت اے رودرھت ءُُ روبرکت ءِ ملک ابید چد ءِ گوزگ اچ وڑا بیپار کاری کت نہ کنت بلئے اش سرڈگار چیر گوچینگ ءُُ چہ بلوچ راج ءَ چہ پلگ بوتگ۔
فدا احمد ءِ اش گپ پہ بلوچ راج ءِ سوگاہ کنگ ءَ وا الم ءَ زبردست ءُُ الکاپت انت بلئے وش نہ یتک ءُُ لاپ چاریں ھم مئے راج ءِ تہا کم نہ انت ۔یک مئی 1988 ء مزور روچ ءِ درگت ءَ تربت شہرءَ مزنیں جلسہ ءُُ جلوس ءَ گوشت ءِ کہ ما وتی سر ءُُ ڈگار پہ ھلو ھالو ءَ کس ءَ ندئیں ءُُ جار ئےِ پرینت کہ من زانیں من زندگ نہ بیں بلئے پشت کپتگیں ورنا اش سرڈگارے واستہ جہد بکنت ‘‘دومی روچ۲ مئی ۱۹۸۸ ءَ بلوچ ورنائی جنز ءِ(BNYM) ءِ کارگشاد واجہ فدا احمد ھمائی ئے جند ئے کتاب جاہ ءَ تیرگواری کنگ بوت بلئے آئی ءِ شہیدی ءَ پد آئی ئے پشت ءِ ورناہاں دست کٹ ءَ نہ کت نہ نشت انت مردم ھمائی ءِ راہ پداں راھی بوت انت ۔اش درگت ءَ باید انت من گیشتر نبشتہ بکتیں بلئے۔۔۔۔!
