کوئٹہ: ایف سی بلوچستان (نارتھ) نے کارروائی کر تے ہوئے غیر ملکی اشیاء بر آمد کر کے 21 گاڑیاں ضبط کر لیں ۔ تفصیلات کے مطابق ایف سی بلوچستان (نارتھ) نے دیگر قانون نافذ کر نے والے اداروں کے ساتھ ملکر انسداد اسمگلنگ کی خلاف کارروائی کر تے ہوئے بیٹل نیٹس ،ٹائرز، سگریٹس اور بھاری مقدار میں کپڑا بر آمد کر کے 21 گاڑیاں ضبط کر لیں ، اس موقع پر اسمگلرز کی جانب سے ایف سی اہلکاروں پر فائرنگ اور قومی شاہراہ کو بلاک بھی کیا گیاایف سی کی جانب سے شرپسند عناصر کے خلاف جوابی کارروائی کی گئی اور قومی شاہراہ کو عام عوام کیلئے کھول دیا گیا۔

ایف سی بلوچستان (نارتھ) حکام کے مطابق ایف سی بلوچستان اور دیگر ادارے ایسے انتشاری ٹولے سے نبردآزما ہونے کیلئے ہمہ وقت تیار ہیں اور انسداد اسمگلنگ کی کارروائیاں جاری رہیں گی۔