تربت: بساک کی “کتاب کاروان” سیکیورٹی نے تربت یونیورسٹی میں اسٹال لگانے کی اجازت نہیں دی، طلبہ نے مزاحمت کے بعد اسٹال لگادی۔

بلوچ اسٹوڈنٹس ایکشن کمیٹی کی بک اسٹال “کتاب کاروان” کے سلسلے میں آج جمعرات کو تربت یونیورسٹی انتظامیہ نے طلبہ کو بک اسٹال لگانے کی اجازت سے انکار کرتے ہوئے سیکیورٹی کے زریعے گیٹ بند کردی۔ بساک ترجمان کے مطابق سیکیورٹی اہلکاروں کے ساتھ کافی مزاحمت اور باہمی بات چیت کے بعد طلبہ کو اسٹال لگانے کی اجازت دی گئی۔

یاد رہے کہ بساک کی جانب سے اس سال کے آغاز پر پورے بلوچستان میں “کتاب کاروان” کے نام سے بک اسٹال لگانے کا سلسلہ شروع کیا گیا ہے جس میں طلبہ کو مختلف مقامات پر سخت مزاحمت کا سامنا کرنا پڑا ہے، گوادر میں طلبہ کو کتابوں کے ہمراہ گرفتار کیا گیا اور ان کے خلاف ایف آئی آر درج کی گئی۔