کوئٹہ: وزیر اعلیٰ بلوچستان میر سرفراز بگٹی سے نیشنل پارٹی کے سربراہ ڈاکٹر عبدالمالک بلوچ نے ملاقات کی۔ پیر کو وزیر اعلیٰ بلوچستان میر سرفراز بگٹی سے نیشنل پارٹی کے سربراہ و رکن بلو چستان اسمبلی ڈاکٹر عبدالمالک بلوچ نے ملاقات کی ملاقات میں دونوں رہنمائوں کے درمیا سیاسی صورتحال، امن و امان، ترقیاتی منصوبوں پر تبادلہ خیال کیا گیا

اس موقع پر دونوں رہنماؤں نے صوبے کی ترقی اور عوام کی بہبود کیلئے اقدامات پر اتفاق کیا۔ وزیر اعلیٰ بلوچستان میر سرفراز بگٹی نے کہاکہ صوبے کی ترقی اور عوام کی فلاح و بہبود حکومت کی اولین ترجیح ہے بلوچستان میں امن و استحکام اور ترقی کے لئے تمام جماعتوں کو ساتھ لے کر چلنا چاہتے ہیں وسیع تر سیاسی مشاورت کے تحت بلوچستان کی بہتری کے لئے کام کریں گے۔