کوئٹہ: وزیر اعلیٰ بلوچستان میر سرفراز بگٹی نے صدر مملکت آصف علی زرداری کی جلد صحت یابی کے لیے نیک تمناؤں کا اظہار کیا ہے۔

 وزیر اعلیٰ بلوچستان نے اپنے ٹوئٹ میں کہا کہ وہ صدر آصف علی زرداری کی مکمل صحت یاب کے لیے دعا گو ہیں۔ انہوں نے صدر زرداری کو پاکستان کا مدبر، دور اندیش اور سینئر سیاسی رہنما قرار دیتے ہوئے کہا کہ پوری قوم کی دعائیں ان کے ساتھ ہیں۔

وزیر اعلیٰ میر سرفراز بگٹی نے امید ظاہر کی کہ ان شاء اللہ صدر مملکت جلد صحت یاب ہو کر قومی رہنمائی کی ذمہ داریاں احسن طریقے سے نبھائیں گے۔