خضدار : قومی شاہراہ پر تیز رفتار کا ر الٹنے سے دو افراد جاں بحق تین خواتین سمیت چار افراد زخمی ہوگئے قومی شاہراہ پر پیر عمر کے قریب کراچی سے سوراب آنے والی تیز رفتار کار موڑ کاٹتے ہوئے ڈرائیور سے بے قابو ہوکر الٹ گئی جس کے نتیجے میں ایک ہی خاندان کے دو افراد جاں بحق تین خواتین سمیت چار افراد زخمی ہوگئے لیویز ذرائع کے مطابق سوراب کے رہائشی عبدلرحمان ولد ڈاکٹر محمد عمر قوم قمبرانی راحیل مجیب ولد مجیب الرحمان اورڈاکٹر نور احمد ریکی کے ہمراہ کراچی سے سوراب آرہے تھے پیر عمر کے مقام پر انکی کار موڑ کاٹتے ہوئے بے قابو ہو کر الٹ گئی جس کے نتیجے میں ڈپٹی سیکریٹری ایجوکیشن مجیب الرحمان قمبرانی کا بیٹا راحیل مجیب اور بھائی عبدلرحمان قمبرانی ساکنان سوراب جاں بحق ہوگئے جب کہ ڈاکٹر نور احمد ریکی سمیت تین خواتین بھی زخمی ہو گئے جاں بحق اور زخمیوں کو سوراب رووانہ کیا گیا ۔
