بلوچی زبان ء نوکیں نبشتہ کار ، کواس، زانتکار، شائر ءُُ نوکیں شہنبشتہ کارانی ھمک نبشتانک کہ نبشتہ بو گا انت باز وھد ءَ گمان بیت کہ آ بلوچی ءِ چہرگ ءَ ھم نجنت۔ ابکئی گپ اش انت آ نبشتہ کار بلوچی زبان ءِ دیمرھی ءِ بابت ءَ وتی نبشتانکانی توسیپ ءَ نندیت پکول ءِ بلوچاں کوہ تل کنت۔ نوک رودمیں شکر ورناہ وھدے نبشتہ ءَ بنا ء کنت گڈا سر پر نبیت کہ پلیں بچ الم ءَ بلوچی نبشتہ کنگا ئنت۔ انچوش کہ اردو ءُُ انگریزی زبان ءَ کہ مئے سر جو کداتگ ھمے وڑا مئے نبشتانکی زبان ھم ھوار دانگی ءَ چہ پلگارگ نبوگا ئنت۔ من بازیں نوکیں نوبت ءِ کانئیں نبشتہ کارانی کتاب ءَ نبشتانک ءُُ شیئر ونتگ انت مَرتگ کہ زبان ءِ گار ءُُ گمسار کنگئے واستہ بلوچاں ءَ دگر ردکار پَکار نبیت ۔ ما وتی دست ءَ وت چم جک دئیگائیں۔ ما دگر ناشراں ملامت مکنیں۔ پلیں نبشتہ کار ءُُ شائراں دلگوش دار گیئنت کہ بلوچی زبان المی ءَ وانگ ءُُ وانینگی زبان نبوتگ بلے دگر ھمسر و یک نوبتیں زبانانی گاجیل ھم نبوتگ۔ بلوچی دنیاءِ کوھنتریں زبانی گون ءَ رُستگ ءُُ وتی راج ءِ نیام ءَ وتی وڑا گوشگ بوتگ۔ اشیئے لبزانک اگاں وانگ ءُُ وانینگ نبوتگ بلے ترانانی رد ءَ سک آبات ء مہر کم بوتگ۔ اشیئے شائری، بتل،گشتن، چاپ ءُُ دوچاپ، گالوارے کار مرزی ھم چہ دِگر زبانی لبزکاریاں چہ گہتر ءُُ شر تر بوت کنت بلے کندگتر ءُُ شِر تر نہ بیت۔
واجہ کریم دشتی ءَ گوں من یک نیادی ءَ گوشتگ اَت کہ آبلوچی لبزانک شئر ءُُ شائری تہنا شست ءُُ سہ (63) نکہ شست ءُُ پنچ(65) چیھال ءُُ ترز زانیں۔ ابید چہ واجہ کریم دشتی ءَ واجہ بدل خان کہ اِش وھدے زبان زانتی ءُُ زانتکاری ءَ متبر (معتبر) تریں شہنبشتہ کاراں چہ یکے کہ منی ھیال ءَ اولی بلوچی زبان ءُُ لبزانک ءِ داکتر انت ،گوشگ ءَ اَت کہ یک جاپانی پولکارے ءِ کتابءَ نود ءَ (90) چہ گیش تہنا زھیروک ءِ وڑ ءُُ پیم نبشتہ کتگ انت۔بلوچی زبان ءِ انبار ءُُ مڈی ھم گیش اچ زبان ءُُ راج ءِ گور ءَ نیست بلے ما مروچی اش بلاہ ءُُ ٹوھیں زبان دگرانی پادیم ءَ چگل داتگ کہ لگتمال ببیت ءُُ مئے جندے پسائندگ لہتیں وھد ءَ پد چہ اشی ئے جند ءَ بیزار بنت ءُُ دگر زباناں گپ ءُُ تْران کنگ ءَ وتی واستہ پہر بنت انت۔ اگاں لوٹ ئے گڈا من سندھ، پنجاب، گجران/ پارسی زبان ءِ نزیک ءِ گوران جہمندیں بلوچاں، ھندوستان، ءُُ عمانی بلوچاں چہ ابید زنجبار ءُُ بمباس (ممباسہ) بلوچانی نام ءَ گپت کنین۔بازیں زبان دوستیں زبان زانت ءُُ نبشتہ کار اش درگت ءَ کم نیاد کتگنت۔ اش ھیلہ ءَ کن انت کہ دگر زبانانی لبزاں گوں بلوچی ءَ ھور ءُُ تہور کنگ ءَ چہ زبان ءِ وانگ وشتر ءُُ آسانتر بیت۔ بلے اش وڑیں نبشتہ کار وتی زبان ءِ ھبر ءُُ لبزاں کار مرز کنگ ءَ چہ لج کنت نکہ گڈا لبزے جند ءَ نزانت ءُُ آیانی درگیجگ / پولگ ءَ وھد زوالی لیکیت۔ اش وڑا زبانزانتی پہ آئی ءَ مزنین ءُُ گرانیں تاوان ءُُ جوکمے بوت کنت۔
اگاں شائری ءَ اش درگت ءَ گپ بکنے گڈا آ ھیلہ سازی بناء کنت کہ غزل ءِ وزن ، قافیہ، ردیف ھمے وڑا بنت۔ واجہ راست گوشیت بلے کجام جاہ ءَ نبشتہ بوتگ کہ بلوچی ءَ ابید اردو ءَ کہ گپاںءُُ تراناں بلوچی شائری ءَ مانمَچِن اِت گڈا شائری نبیت۔ واجہیں شائر ءَ ھما وزن ءِ گپ ءِ درگیجگ ءُُ گِچپنگ ءُُ نیچنگ سک توریت۔ اگاں اردو غزل ءِ کہ نیمگ ءُُ نیم سہت بکنت وتی شئیر بنشتہ بکنت گڈا وا شائری ارزان بیت۔
دستونک من سر پد بین کہ پنجاہ شست (50,60) سال انت کہ بلوچی ءَ گون کپتگ گوں چد ءُُ پیش / ساری بلوچ شائراں چون کتگ؟ اش درگت ءَ سید ظہور شاہ ھاشمی ، سید ملنگ شاہ، کریم دشتیءَ کہ غزل ءُُ کوھیں نوبت شائراں بائیدیں ما بچاریں ککہ آہاں اردو ءُُ دگر زبان کجا دوستونک ءَ کارمرز کتگ ۔
چو ناہ ء پہلی لوٹ آں کہ یک ءُُ دو جاہ من لبز غزل نبشتہ کتگ چہ دستونک ءَ پیش / ساری غزل ءُُ گال کارمرز بوتگ ۔ کسے چارگ لوٹیت منی ھیال جءَ سید ظہور شاہ ریفرنس لائیبریری ءَ چہ ماہتاک اومان، ماہتاک بلوچی( عبدالواحد آزات جمالدینی ۔ کراچی) ءَ اندگر ۔ چوناہا بلوچی زبان ءَ غزل کپ ،ونڈ ،بہر ءِ بابت ءَ کار مرز بیت بلئے بلوچی شئیرانی نیام ءَ لہتیں بہر ءُُ بہرگ مان کہ آہاں بلوچی غزل گوشنت ۔بلئے ارمان کہ پٹ ءُُ ول پہ مئے زبان ءَ پولکاراں گران اِنت۔ چیاکہ نان گوں شو در کیت دست ءَ کئے سوچیت۔ ایشی مرادَ من سرپد بیں کہ غزل بلوچی زبان ءِ ہم لبزے بلئے بازیں وڑے ءَ کارمرز بیت اِش الم نہ انت کہ آ چہ اردو نیکہ فارسی زبان ءَ زورگ بوتگ ۔اے درگت ءَ من برز ءَ نبشتہ کتگ ۔جرید وااری پہکیں حبرے نہ انت بلئے تاں وہد ے بلوچی زبان پٹ ءُُ پول ءِ درگت ءَ پشت کپتگ چمشکہ ہما جریدیں تران کہ دگر زباناں وتی زبانانی واستہ کہ اڑ کتگ انت بلوچی زبان ءِ زانتکاراں پہ ہما آں کاور بستگ۔ادااش گپ ہم سرپد بوت انت کہ عربی ءَ بازیں لبزے بلوچی زبان ءَ چہ کرناں گوان ترتگنت ءُُ چہ زمانگاں ہوار ءُُ توار انت بائد انت کہ آہاں ما ہم اوڑا نبشتہ ءُُ کارمرز بکنیں انچو کہ عربی نام ءُُ ہمے وڑا نوکیں نوبت ءَ کہرب ءُُ و نوری ازبان انت ۔پرچاکہ اِش ازباب دگر زبان ءُُ کاریگر ءُُ ملکان سازتگ ءُُ اڑ کتگ ان ہماہاں وتی زبان ءَ نام بستگ انت ہمے سوب انت ما ہرچی پت کپتگیں راجیں نہ کواسیں زاندان ءُُ نیکہ وت ءَ نوکیں نوبت ءَ کارساز ءُُ ازباب ساز۔ بلوچی زبان ءِ گِرے سوب منی حیال ءَ ہمیش انت کہ پلیں بلوچی زبان ءَ واندہ ءَ نبشتہ کار بائد انت کہ پہ اشی ءَ بد مہ برنت کہ منی وڑیں نزانتکارے ءَ آہانی بابت ءَ چوشیں تران درشان کتگ پرچکہ منی مراد کسے ءِ دلگران ءُُ دل آزاری کنگ نہ انت ۔اے نبشتانک کسی بزاں ذات ءِ بابت ءَ ءُُ کسی نبشتانک ءُُ شئیر ءِ یاکہ کتابے ءِ سرا ایراد ءُُ ایر جنی اِنت ۔
