ابن خلدون ء ِ حیال اِنت کہ‘ عصبیت وہدے حراب بہ بیت گڑا دودمان زوال ءِ آماچ بیت۔ اے لیکہ ء ِ رِد ء َ وہدے عصبیت حراب مہ بیت بزاں ایشی ء ِ تہا دگہ نسلے ء ِ مردم ہوار مہ بنت گڑا دودمان بام ء َ سر بیت۔ خلدون ء ِ رِد ء َ عصبیت ء ِ تہا دگہ نسلے ء ِ ہوار بوہگ ء ِ سبب اِیش اَنت۔ اول: دگہ نسل ءُُ عصب ء ِ مردمے دومی عصبیہ ء ِ تہا پمیشکا ہوار بیت کہ آ دیم ء ِ عصبیہ ء َ گوں ہمدردیں واہگے داریت۔
کارل مارکس ءِ رِد ءَ دنیا ءِ تہا انسان وتی ہست ءْ نیستی ءِ حساب ءَ دوبہر ءِ تہا اَنت۔ یک بہرے ءِ مردم ’مال ہست‘ طبقہ ءِ تہا اَنت ءْ دومی ’مال نیست‘ ءِ ۔ مال ہست ءِ گورا ہرچی ہست۔ مال ہست چیز ءِ پیداواری واہْند[owns means of production] اِنت کہ ہمیشی ءِ زَراں [capital] چہ چیز ءِ پیداواری عمل بندات بیت۔
جدیدیت چونائی ءَ وتی تہا اَنچیں آئیڈیالوجیکل گراونڈے کہ آزاتی ءَ برجاہ داریت۔ ارتقا ءِ حساب ءَ جدیدیت پہ آزاتی ءِ برجاہ کَنَگ ءَ زمان وسطیٰ اِیں دؤر ءِ لیکہّاں رَد کنت۔ بلئے عقلی عظمت ءِ حساب ءَ اے زمان وسطیٰ اِیں دؤر ءِ لیکہّاں عقلی کنائینگ ءِ دَرس ءَ دنت۔
ماڈرنزم ءِ بنیادی مقدمہ ’علم ءِ بُنزہ‘(بزاں اپسٹمولوجی) چی اِنت ءِ سوال ءِ پسو کَنَگ اِنت۔ اے نبشتانک ءِ تہا ما ہربرٹ اسپنسر ءِ راجمانی فلسفہ ءِ زانگ ءِ جُہد کنیں۔ اول سرا مارا اے زانگی اِیں کہ اسپنسر یک ماڈرن فلاسفرے۔ ماڈرن ءِ لَبز ءَ گوں ما اے ہم زانت کنیں کہ ایشی ءَ اول سرا اپسٹمولوجی گِیشّنَگی اِنت۔ بَلئے ما اپسٹمولوجی ءِ سوال ءَ ہما وہد ءَ زانت کنیں ، وہدے ما وتی نیچر آف اسٹڈی ءَ بہ گِیشّینیں۔
برٹرنڈررسل ءِ رِد ءَ انسان وہدے دنیا ءِ راجدپتر ءِ یک کسانیں بہرے ءَ ہم شریں وڑے ءَ سرپد بہ بیت۔گڑا اے عمل‘ یک رِدیں رہبندے (جوڑ بیت) کہ ہمیشی ءِ بنیاد ءَ ما دنیا ءِ گوستگیں روچ ءْ آؤکیں ساعتاں بست کنیں‘ کہ پْشت ءَ چونائی ءَ چی بوتگ ءْ دیما چی بیت۔ اے وڑ پمیشکا ممکن اِنت کہ‘ پہ دنیا ءِ راجدپتر ءِ بندگ ءَ ہما مقامانی واقعہ یکجاہ کنگی اَنت کہ اے انسان ءِ دسترس ءَ الکاپ ءَ ہست اَنت۔ اے واقعہ محدود اَنت۔