اے حبر منی نہ اِنت بلکیں یک دیوانے ءَ سے ءُُ چار سنگتانی دپ ءَ ات کہ ’’بلوچاں ما بلوچستان مئیگ اِنت ءُُ بلوچی زبان بلوچانی زبان اِنت‘‘باریں پرچہ بلئے من ءَ اے گپ ایشانی دوست نہ بوتاں چو گشت نہ کناں کہ پرچکہ من ءَ ایشانی گپ دوست نہ بوتاں بس نہ بوتاں ۔۔۔!!!
بلوچی لبزانک ءَ نامداریں لچہ کار وَ بازانت بلئے چشیں لچہ کہ دائم است بہ مانیت آ لنککاں حساب بنت ،استاد عبدالمجید گوادری چما لچہ کاراں چہ یکے ات ،اے حبر راست انت کہ مئے راج انگت ءَ آ کچ ءُُ کساس ءَ سر نہ انت کہ وتی ادیب ءُُ شاعراں آہانی زند ءَ شرف ءُُ عزتے بہ بکشایت بلئے نوں کم کم ءَ جہ جنان انت ءُُ وتی لچہ ءُُ لبزانکاراں ہماآنی زند ءَ عزت ءُُ شرپے بکشگ ءَ انت ۔
وہدے میڈم وتی گشتانک ءَ دئیگ ءَ ات منا انچو سما بوت کہ اگاں کسے بلوچی شاعری ءَ جنین آدمانی توسیپی گال ءُُ آہانی سہتانی سرا یک مقالہ یے نبشتہ بکنت داں چون بیت؟ ۔۔۔
مرچی بزاں ۲۰ اکتوبر ۲۰۱۷ ءَ ،بلوچی کدگ ءِ نیمگءَ شاہ تیر یں کماش واجہ عنقا ءِ یاتگیری ءَ یک مراگشے جم دارگ بوتگ اَت ۔ دیوان ءَ گچین مردم نندوک اِتاں بلئے بندری ندارگ انچوش اَت گشئے بلوچ راج انگت ءَ واب اِنت آسہی نہ اِنت ۔
لہتیں روچ پیسر ءَ منی استاد ءَ من ءَ یک نبشتانکے گمان آئیءِ نام اَت ’’مجھے نفرت ہے‘‘ اشکنائینت۔اے نبشتانک ءَ ندکار ءَ چیزے انچیں گپان وتی ناراضگی زاہر کتگ ا ت کہ آ مئے چاگرد ءَ ءُُ مئے لبزانک ءَ اوں گندگ بنت ۔
کلاس ءِ استاد ءِ مرچی مارا پدا ہما کوہنیں دور ءُُ باریگ ءِ کسہانی بابت ءَ سرپد کنگ ءَ اَت ہما کسہ کہ چہ ازل ءَ گوما گون اِتاں ہماکسہ کہ آہانی بندات ءُُ آسر چو کہ فلم شولے ءِ ڈائیلوگانی پیم ءَ من ءَ پہ دل یات اِتاں یکبرے دل ءَ گشت کہ مرچی کلاس ءَ مہ گر بلئے پدا چار اِت کہ کلاس ءِ استاد دلرنج ءُُ ناراض بیت پمشکا کلاس ءَ نشتاں ہمے چُرتانی تہا اناگت ءَ گمان بوت کہ بلوچی داستانانی درائیں زالبول اگاں بیا اَنت ۔
بلوچی ءَ گشنت کہ گپ ءَ ہمود ءَ بجن کہ گپ گوشدارگ بیت ،بلئے اے کور ءُُ کریں ملک ءَ اگاں کسے وتی زارشانی ءَ درشان کنگ ءَ اِنت گڑاں چرائی ءَ مستریں جاہل نیست ۔۔۔۔۔۔دو سے ماہ اِنت دو نندانک پہ وتی ھق ءُُ مزانی ھاترا کوئٹہ پریس کلب ءِ دیم ءَ جنوک اِنت بلئے سوگند بدئے کوئٹہ ءِ وزیر ءُُ گزیراں کہ یک روچے بیا اَنت ءُُ ایشان جست بہ کن اَنت کہ شمئے جیڑگ ءُُ جنجال چے چے اَنت؟ شمئے پرچکہ دو ءُُ سے ماہ اِنت اے دگ ءَ گژن ءُُ تن ءَ نشتگ اِت ۔
بنیآدم ءِ وہدگوں بازیں دیمپانیں اڑ ءُُ جنجالاں کپتگ ءُُ مرچی آ اے دیمروئی کتگیں زمانگ ءَ سر بوتگ آئی ءِ زندال ءُُ جیڑگانی پگری درشان ءَ آئی ءَ را بے وس ءُ بے چاڑ کرتگ ات پمشکا آئی ءَ وتی ھیال درشانی زبان جوڑ دات ءُُ ہمائی ءِ دروسیلہ ءَ آئی ءَ وتی جیڑگانی گشیوار بنا کت بلئے زبان ایوک ءَ ھیالانی گواچن ات مارشتانی درانگاز چتور کنگ بہ بیت پمشکا آئی و سوس ھلاس نہ بوت ہمے سرگدان ءَ دل ءِ تاہیری ءَ آئی ءَ شئیرالہان کت دلے تاہیر گپت گوں زیمر ءَ آئی ءَ زانت کہ دل تائیر گپت ءُپ اے وسوساں یا وَ گیش کنت یاکہ تائیردنت پمشکا دراجیں پندے ءَ رند باز ءَ زیمر ءُُ سوت ءُُ سار جوانیں چیزے لیک ات ءُُ باز ءَ ایشی ءِ سرا ایراد گپت کہ اے دلانی جزبگاں پاد کنت پگراں ہراب کنت چاگرد ءَ زیمر ءِ ہچ جاہ نیست ۔
اے گشتن بلوچی زبان ءُُ لبزانک ءِ شاہزانت ءُُ کواس سید ظہور شاہ ہاشمی ئیگ اِنت ۔ایشیءِ مانا ءُُ بزانت ءَ اگاں کسے سر بدنت داں آ سرپد بیت کنت کہ اے ایوک ءَ یک گشتنے نہ اِنت بلکیں زندگی ءِ ہما تہلیں راستی اِنت کہ کس آئی ءَ زانگ نلوٹ ایت۔
’’تماش ءَ کن اِت بلوچانی ایم فل ءُُ پی ایچ ڈی ءِ ھاترا ءَ یک بنگپے گیش بوت۔۔۔۔۔‘‘ اے حبر من چہ انچیں کواسے ءِ دپ ءَ اِش کتاں دریگتے ا ے سہت ءَ من کر بوتین اَنت۔بلئے چے کنئے ’’ بے سریں راج ءُُ بے سریں سودا‘‘مئے راج ءَ را زانہ کدی سد بوتگ کہ باری مرچی