Posts By: بیورو رپورٹ

تربت:  پاک ایران رابطہ کمیٹی کے چیئرمین، سپریم کونسل آف آل پاکستان ٹرانسپورٹ اور آل مکران ٹرک اینڈ ٹرالر یونین فیڈریشن کے چیئرمین میر ہوتمان بلوچ نے کہا ہے کہ آرمی چیف آف پاکستان قمر باجوہ نے اپنے دورہ تربت کے موقع پر پاک ایران بارڈر کھولنے کے احکامات عوام کے امنگوں کی مکمل ترجمانی ہے،پاک ایران بارڈر پر بلا روک ٹوک کاروباری کی اجازت دینا ملک کی معاشی ترقی میں سنگ میل ثابت ہوگا،پاک ایران بارڈر پر تیل اور خوردنی اشیاء کے کاروبار کو آزادانہ طریقہ کار کو فروغ دینے سے لوگ معاشی طور پر مستحکم ہوں گے۔

تربت: ہوشاپ میں لاپتہ افراد کی بازیابی کے لیے خواتین کا احتجاج، سی پیک روڈ بلاک کردیا۔ ہوشاپ میں خواتین نے جمعرات کو سی پیک شاہراہ پر لاپتہ افراد کی بازیابی کے لیے دھرنا دے کر روڈ بلاک کردیا۔ انتظامیہ کی جانب سے تربت سول سوسائٹی کے کنوینر گلزار دوست کی سربراہی میں مذاکرات کے بعد روڈ کھول دیا گیا۔

تربت: عطا شاد ڈگری کالج تربت میں عطاشادلٹریری سوسائٹی کے زیراہتمام معروف بلوچ ادیب پروفیسر غنی پرواز کے اعزاز میں ‘‘غنی پرواز کافنی سفر’’کے عنوان سے سیمینارکاانعقادکیاگیا۔

تربت:  بلوچستان بار کونسل نے پاکستان الیکٹرنک جرائم ترمیمی ایکٹ کو مسترد کردیا۔ بلوچستان بار کونسل کے وائس چیئرمین قاسم گاجیزئی ایڈوکیٹ اور دیگر عہدہ داران نے وفاقی حکومت کی طرف سے حال ہی میں صدارتی آرڈینینس کے ذریعے پاکستان الیکٹرانک میڈیا ایکٹ2016 میں حکومتی اقدام کو مسترد کردیا ہے، ایک بیان میں کہا گیا… Read more »

گوادر: گوادر پریس کلب کے وفد کی چیف سیکریٹری بلوچستان مطہرنیاز رانا سے ملاقات، پریس کلب کے مسائل پیش کردئیے، چیف سیکریٹری بلوچستان کی گوادر کے صحافیوں کو درپیش مسائل حل کرانے کی یقین دہانی تفصیلات کے مطابق گوادر پریس کلب کے ایک نمائندہ وفد نے صدر سلیمان ہاشم کی قیادت میں گزشتہ روز چیف سیکریٹری بلوچستان مطہرنیاز رانا سے ملاقات کی۔

تربت:  استحصالی، سامراجی اور آمرانہ ذہنیت کے حکمران روز اول سے مادری زبانوں کے خلاف سازشیں کررے ھیں۔ ان خیالات کا اظہار نیشنل پارٹی بلوچستان وحدت کے صدر میر رحمت صالح بلوچ نے تربت میں، مادری زبانوں کے عالمی دن کی مناسبت سے سیمینار کی تیاریوں کا جائزہ لینے کے لئے منعقدہ پارٹی اجلاس سے خطاب کرتے ہوئے کیا۔

گوادر : قائد حق دو تحریک کا ایک اہم مطالبہ پورا ، مشیر فشریز کو ہٹانے کے فیصلے کا خیر مقدم کیا ، قائد حق دو تحریک بلوچستان مولانا ہدایت الرحمان بلوچ نے مشیر فشریز میر اکبر آسکانی کو وزارت سے برطرفی کا خیر مقدم کیا۔

گوادر:  پی ایم ایس اے فرار ٹرالر کو پکڑنے کے بعد محکمہ فشریز حکومت بلوچستان کے حوالے کرے۔ فرار ٹرالر مقدمہ میں مطلوب ہے۔ پی ایم ایس اے مقدمہ میں مطلوب ٹرالر کو محکمہ فشریز حکومت بلوچستان کے حوالے کرنے کی بجائے فشریز حکومت سندھ کو حوالگی استدعا کررہی ہے جو تعجب خیز ہے۔ ان خیالات کا اظہار نیشنل پارٹی کے صوبائی مائیگیر سیکریٹری بلوچستان وحدت آدم قادربخش نے پریس کلب گوادر میں پریس کانفرنس سے خطاب کے دوران کیا۔

تربت: آل پارٹیز کیچ کا اجلاس کنوینر خان محمد جان کی زیرصدارت منگل کو پی این پی عوامی کے آفس میں منعقد ہوا جس میں سیاسی جماعتوں کے رہنماؤں نے شرکت کی۔ اجلاس میں بلدیاتی الیکشن سے قبل کیے گئے حلقہ بندیوں کے بارے میں مشاورت کی گئی اور اپنے تحفظات پیش کیے گئے جنہیں ایک ڈرافٹ کی شکل میں بعد ازاں الیکشن کمیشن آفس تربت میں ضلعی الیکشن افسر کے حوالے کردیا گیا۔

قلات; قلات میں بلو چستان لیبر فیڈریشن کے زیر اہتمام میونسپل کمیٹی کے ملازمین نے چیئرمین میر منیر احمد پندرانی کی قیادت میں صوبائی حکومت اور وفاقی حکومت کی جانب سے ملازمین کی تنخواہوں میں پندرہ فیصد اضافہ شدہ الائونس کی عدم ادائیگی کے خلاف احتجاجی مظاہرہ کیاگیا اور شدید نعرے بازی کی گئی ملازمین کا کہناتھاکہ ماہ جون میں صوبا ئی اور وفاقی حکومت کی جانب سے اضا فہ شدہ تنخواہ کو تاحال ادا نہیں کیا گیا۔