کوئٹہ: چیف آف سراوان سابق وزیراعلیٰ بلوچستان نواب محمد اسلم خان رئیسانی نے کہا ہے کہ کسی کومیڈیکل کالجز کے طلباء کی تعلیم میں رخنہ ڈالنے کی اجازت نہیں دیں گے ، طلباء کے مسائل بلوچستان اسمبلی کے فلور پر اٹھائیں گے ،یہ بات انہوں نے سینئر سیاستدان و سابق سینیٹر نوابزادہ حاجی لشکری خان رئیسانی کی قیادت میںگزشتہ روز مکران ، جھالاوان اور لورالائی میڈیکل کالجز کے طلباء پر مشتمل میڈیکل الائنس کمیٹی کے نمائندہ وفد سے ملاقات میں گفتگو کرتے ہوئے کہی۔
گوادر: ڈائریکٹر جنرل فشریز بلوچستان طارق الرحمان سے مائیگیر وفود کی ملاقات، مسائل حل کرانے کی یقین دہانی، مختلف مائیگیر وفود سے گفتگو کرتے ہوئے ہوئے ڈائریکٹر جنرل فشریز بلوچستان طارق الرحمان نے کہا کہ ساحل بلوچستان میں کسی کو بھی آبی حیات کی نسل کشی اور غیر قانونی ٹرالنگ کی اجازت نہیں دی جائے گی۔انھوں نے کہا کہ بلوچستان کے ساحلی علاقوں میں غیر قانونی ٹرالنگ میں مصروف ٹرالرز مافیا کے خلاف تادیبی کاروائی سمیت ماہیگیروں کو درپیش مسائل و مشکلات کی فوری حل کے لیے ڈائریکٹر جنرل فشریز بلوچستان کے آفس کو کوئٹہ سے گوادر منتقل کر دیا گیا ہے۔
تربت: تعلیم، کاروبار اور ہنر مند افراد سے قوم کی سیاسی معاشی سمیت دیگر درپیش چیلنجز کا مقابلہ کیا جاسکتا ہے نوجوان علم، کردار اور عمل سے قومی ترقی و خوشحالی میں کردار ادا کریں، ان خیالات کا اظہار نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے آبسر میں ملا بالاچ کی رہائش گاہ میں نیشنل پارٹی کیچ کابینہ کی جانب سے بی ایس او پجار کے نومنتخب کابینہ کے اعزاز میں چائے پارٹی کی تقریب سے خطاب میں کیا۔
قلات: پاکستان واپڈا ہائیڈرو قلات کے جنرل سیکریٹری میر محمد اکبر رودینی نے کہا ہے کہ قلات میں بنکو ں کے اے ٹی ایم مشینیں عوام کے لئے سہولت کی بجائے عذاب بن گئے ہیں۔
تربت: بلوچ اسٹوڈنٹس آرگنائزیشن (پجار) کے مرکزی سینئر وائس چئرمین بوہیر صالح ایڈوکیٹ اور صوبائی جنرل سیکریٹری عابد عمر بلوچ نے اپنے ایک جاری کردہ بیان میں بلوچستان کے تین میڈیکل کالجز کے ساتھ حکومت اور پی ایم ڈی سی کا رویہ انتہائی مایوس کن ہے جو اپنی تعلیم دشمن پالیسی کے ذریعے بلوچستان کے نوجوانوں کے ساتھ سوتیلی ماں جیسا سلوک کیا جارہا ہے۔
تربت : میونسپل کارپوریشن تربت کے ملازمین کاتنخواہوں کی عدم ادائیگی کے خلاف شہید فدا چوک پر دھرنا، مین چوک آمد ورفت کیلئے بند کردیا، میونسپل کارپوریشن تربت کے ملازمین نے پیر کی صبح تنخواہوں کی عدم ادائیگی کے خلاف شہیدفدا چوک تربت پردھرنا دے کر روڈ کو چاروں اطراف سے بند کردیا،بلدیہ تربت کے ڈیلی ویجز ملازمین نے چار مہینوں سے تنخواہوں کی بندش کے خلاف تربت چوک پردھرنا دے کر احتجاج کیا۔
گوادر: وفاقی سیکرٹری منصوبہ بندی و ترقیات عبدالعزیز عقیلی نے کہا ہے کہ گوادر کا مستقبل تابناک اور روشن ہے گوادر کی ترقی سے نہ صرف گوادر بلکہ بلوچستان سے پسماندگی کا خاتمہ ممکن ہے اور اس سے ترقی کی نئے راہیں کھلیں گی ان خیالات کا اظہار انہوں انہوں نے ادراہ ترقیات گوادر میں ایک بریفنگ کے دوران بات چیت کرتے ہوئے کیا ھے اس موقع پر ڈپٹی کمشنر گوادر کپٹن ریٹائرڈ جمیل احمد بھی موجود تھے۔
پسنی: زکری مذہبی پیشواء سیدنور علی شاہ نے پسنی پریس کلب میں پریس کانفرنس سے خطاب کرتے ہوئے کہا کہ ایم پی اے حمل کلمتی علاقائی مسائل کے حوالے جب ایک قومی رہنما سید کی بات نہیں سنتا تو ہمارے قوم کے عام عوام کا کیا حال ہوگا۔
گوادر: سربراہ حق دو تحریک بلوچستان نے عدالتی فیصلے کے بعد اپنا ردِ عمل دیتے ہوئے کہا کہ گوادر وائن شاپ کو عوامی طاقت سے کھلنے نہیں دینگے۔ مولانا ہدایت الرحمن بلوچ سربراہ حق دو تحریک ، گوادر کی ہندو برادری واضح اعلان کریں کہ وہ وائن اسٹور چاہتے ہیں یا نہیں ، جو ادارہ… Read more »
قلات: زمیندار کسان اتحاد کے سربراہ آغالعل جان احمدزئی نے کہا ہے کہ حکومت زمینداروں کو کھاد کی فراہمی کے لیئے اقدامات کرے کھاد کی اسمگلنگ سے بلوچستان کے زمینداروں کھاد کی حصول کے لیئے مشکلات کا سامنا کر نا پڑ رہا ہے اگر حکومت نے کھاد کی اسمگلنگ کو روکا نہیں تو بلوچستان میں زراعت کو ناقابل تلافی نقصان پہنچ سکتی ہے حکومتی ادارے اس سلسلے میں بروقت اقدامات کرے۔