تربت: ہوشاب میں بچے کے ساتھ بدفعلی کرنے والے ایف سی اہلکار کو عدالت نے 17 سال قید کی سزا سنادی۔ سیشن جج عبدالصبور مینگل نے مقدمہ نمبر 02/020 بجرم 377/B میں نامزد ملزم ریحان ایف سی اہلکار کو 17 سال قید کی سزا سنا دی۔ ایف سی اہلکار کے خلاف مقدمہ محمد نعیم ولد امیر بخش کی مدعیت میں لیویز تھانہ ہوشاپ میں درج کیا گیا تھا۔
گوادر: ٹھیکیداروں نے گوادر میں ہونیوالے ٹینڈرز کا بائیکاٹ کردیا ،ٹینڈر منسوخ کردیئے گئے ۔کنٹریکٹرز ایسوسی گوادر کے مطابق محکمہ سی اینڈ ڈبلیو کی جانب سے ضلع گوادر میں پی ایس ڈی پی کے تحت مختلف ترقیاتی اسکیموں جن میں اسکول،بی ایچ یوز،پریس کلب کی بلڈنگ سمیت دیگر اسکیمات شامل ہیںاس میں ہونیوالے ٹینڈرز کا بائیکاٹ کرتے ہوئے حصہ نہیں لیااور محکمہ کو تحریری طورپر آگاہ بھی کیا ہے۔
تربت: ڈپٹی کمشنرکیچ حسین جان بلوچ نے کہاہے کہ ایف سی نے بارڈر پر چلنے والی گاڑیوں کا ریکارڈ ضلعی انتظامیہ کے حوالے کردیاہے، لیویز فورس کے ذریعے بارڈر کاروبار کو ڈیل کرنے کیلئے اسٹریٹجی تیارکرلی گئی ہے، بہتر میکنزم کے تحت لوگوں کو سہولت فراہم کرنے کی کوشش کریں گے،کراسنگ پوائنٹس بڑھانے کے حوالے سے اقدامات اٹھائے جارہے ہیں، ان خیالات کااظہار انہوں نے منگل کے روز سرکٹ ہاؤس تربت میں عوامی جرگہ سے خطاب کرتے ہوئے کیا۔
گوادر : سندھ بلوچستان انٹرنیشنل بزنس فورم کی جانب سے مقامی ہوٹل میں گوادر پریس کلب کے عہدیداروں کے اعزاز میں عشائیہ دیا گیا عشائیہ میں مہمان خصوصی سینئیر وائس چئیرمین ” آباد ” حنیف میمن تھے جبکہ ڈی جی GDA مجیب قمبرانی اور ڈائریکٹر ٹاون پلاننگ شاہد بلوچ نے خصوصی طور پر شرکت کی۔
قلات: قلات کے علاقے بینچہ میں ٹریفک حادثہ دو افراد جاںبحق پانچ شدید زخمی ہوگئے۔
تربت: آل پارٹیزکیچ کے کنوینر خان محمد جان نے تربت پریس کلب کے پروگرام گند ء ْ نند سے خطاب کرتے کہاکہ پاکستان میں جب سے عام انتخابات کا سلسلہ شروع ہوگیاہے تب سے یہ دھاندلی زدہ ہیں ہر الیکشن کوہائی جیک کیاگیاہے، 1964ء سے لیکر 2018ء کوئی بھی الیکشن صاف شفاف اور غیرجانبدارانہ نہیں رہاہے،1970کے الیکشن کو شفاف توکہاجاتاہے مگریہ شفاف نہیں تھے، جبکہ2013ء اور2018ء کے الیکشن میں تو سب کچھ ببانگ دہل کیاگیا، 2013ء کے الیکشن میں پی این پی عوامی کی جیت کو ہارمیں بدلاگیا، پاکستان پیپلزپارٹی کے رہنما نواب شمبے زئی نے کہاکہ 2018ء کے الیکشن تاریخ کے بدترین الیکشن تھے۔
قلات: فوڈ اتھارٹی بلوچستان کا چھاپہ دودھ دہی گوشت فروش ہوٹلز سمیت مضر صحت اور ذائد المعیاد اشیاء خوردونوش فرخت کرنے والے تاجروں اور صفائی سھترائی کا خیال نہ رکھنے والے دکانداروں کو ہزاروں روپے جرمانہ کیا گیا ہماری کاروائیاں آئندہ بھی جاری رہنگی۔
تربت: گرکانی بند بل نگور میں لالہ رشید دشتی کے فنڈ سے بند مکمل ہونے کے بعد حالیہ بارش سے علاقے میں آبنوشی اور زراعت کا اہم مسلہ حل ہوا ہے۔ان خیالات کا اظہار ایکسیئن ایری گیشن عدیل احمد نے اپنے دفتر میں میڈیا کو بریفنگ دیتے ہوئے کیا۔
گوادر: حق دو تحریک بلوچستان کے سربراہ مولانا ہدایت الرحمان بلوچ کا دورہِ پاک ایران بارڈر و کنٹانی ھور، چھوٹے کاروباری حضرات سے ملاقات۔
تربت: ڈپٹی کمشنر کیچ حسین جان بلوچ نے کہا ہے کہ تمام بارڈر کمیٹیاں ختم کردی گئی ہیں بارڈر پر چلنے والی تیل بردار گاڈیوں کی رجسٹریشن ایف سی کے زریعے مکمل کرنے کے بعد لیسٹ انتظامیہ کے حوالے کردی جائے گی اور انتظامیہ کے زریعے ہی گاڈیوں کو بارڈر پر جانے کی اجازت ہوگی، انہوں نے کہاکہ بارڈر پر ٹوکن سسٹم ختم کردیا گیا ہے۔