تربت: ڈپٹی کمشنر کیچ حسین جان بلوچ نے کہا ہے کہ تمام بارڈر کمیٹیاں ختم کردی گئی ہیں بارڈر پر چلنے والی تیل بردار گاڈیوں کی رجسٹریشن ایف سی کے زریعے مکمل کرنے کے بعد لیسٹ انتظامیہ کے حوالے کردی جائے گی اور انتظامیہ کے زریعے ہی گاڈیوں کو بارڈر پر جانے کی اجازت ہوگی، انہوں نے کہاکہ بارڈر پر ٹوکن سسٹم ختم کردیا گیا ہے۔
گوادر: بلوچستان کو حق دو تحریک نے تحریری معاہدہ پر عمل در آمد پر صوبائی حکومت کی وعدہ خلافی کے خلاف دھرنوں کا اعلان کردیا۔ پہلے مرحلہ میں 20 جنوری کو اورماڑہ، 3 فروری کو پسنی، 10 فروری کو سربندن اور 27 فروری کو اوتھل زیروہ پوائنٹ کوسٹل ہائی وے پر دھرنے دیئے جائینگے۔ دوسرے مرحلہ میں یکم مارچ کو گوادر میں غیر معینہ مدت تک دھرنا دیا جائے گا۔ صوبائی حکومت نے حق دو تحریک کے مطالبات پر عمل درآمد کے لئے تحریری معاہدہ کیا تھا۔
تربت: کمشنر مکران شبیر ا حمد مینگل نے ریڈیو پاکستان تربت کا دورہ کیا دورے کے دوران انہوں نے ریڈیو کے مختلف شعبہ جات کا معائینہ کیا ، اس موقع ریڈیو کے ڈائریکٹر عبدالحمید شاکر سمیت دیگر نے انہیں ریڈیو سے متعلق بریفنگ دی ، اس موقع پر کمشنر مکران نے کہا کہ ریڈیو کی اہمیت اور افادیت سے انکار ممکن نہیں ، انہوں نے کہا کہ ریڈیو پاکستان تربت نے خطے میں ثقافتی، لسانی ترقی و ترویج اور عوامی مسائل کے حل میں ہمیشہ نمایاں کردار ادا کیا ہے۔
کراچی: نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ نے کراچی پریس کلب میں نو منتخب صدر فاضل جمیلی اور دیگر عہداروں کو مبارک دی اور پھول پیش کئے اس موقع پر نیشنل پارٹی کے مرکزی سیکریٹری جنرل جان محمد بلیدی اور مرکزی رہنما واجہ ابوالحسن بھی موجود تھے کراچی پریس کلب پہنچنے پر نامور صحافی سعید سربازی، عارف بلوچ، اکرم بلوچ، حفیظ بلوچ اور دیگر صحافیوں نے ڈاکٹر عبدالمالک بلوچ کا استقبال کیا۔
گوادر: گوادر پورٹ اور گوادر کی ترقی سے گوادر کے لوگوں کا مستقبل وابستہ ہے جس کے ثمرات عام لوگوں تک پہنچیں گے اور ان کا معیار زندگی بہتر ہوگا۔ ان خیالات کا اظہار گوادر پورٹ اتھارٹی کے چیئرمین نصیر احمد کاشانی نے گوادر پریس کلب کے صدر سلیمان ہاشم کی قیادت میں صحافیوں کی ایک وفد نے ملاقات کے دوران گفتگو کرتے ہوئے کیا۔
تربت:کیچ رئیل اسٹیٹ ایسوسی ایشن کی تقریب حلف برداری اتوار کی شام سرکٹ ہاؤس تربت کے ہال میں منعقدہوئی، تقریب میں صوبائی مشیرپبلک ہیلتھ انجینئرنگ لالہ رشیددشتی، سابق سینیٹر وسابق صوبائی وزیرمیر اسلم بلیدی،کیچ رئیل اسٹیٹ ایسوسی ایشن کے صدر نزیر عثمان، سپریم کونسل کے چیئرمین شے اقبال بلیدی،انجمن تاجران تربت کے صدر حاجی کریم بخش، معروف بلڈرمولانا ڈاکٹرخلیل احمدبلیدی، میر عبدالوحید آسکانی۔
تربت: 10 اکتوبر 2021 کو ہوشاپ پرکوٹگ میں مبینہ مارٹر گولہ پھٹنے سے شہید ہونے والے بچوں کے دادا سردو اور دادی نے تربت سول سوسائٹی کے کنوینر گلزار دوست بلوچ کے ہمراہ تربت پریس کلب میں پریس کانفرنس کرتے ہوئے کہا ہے کہ سیکیورٹی فورسز نے16 دسمبر 2021 کو ہوشاپ سے چار بچوں نبیل ولد ہاشم، عبدالطیف ولد محمد صالح، نواز علی ولد باھوٹ اور فراز ولد محمد اقب کو حراست میں لینے کے بعد لاپتہ کردیا اور اس کے بیس دن بعد سی ٹی ڈی تربت نے ان چاروں بچوں کو سانحہ ہوشاپ پرکوٹگ کے ملزمان ظاہر کرکے ان کی گرفتاری کا اعتراف کیا ہے۔
گوادر: گوادر، حالیہ بارشوں نے ترقی کے جھوٹے راگ الاپنے والے حکمرانوں کی قلعی کھول دی ہے۔ بارشوں سے ضلع بھر میں شدید نقصانات ہوئے،گوادر میں GDA اورGPA نقصانات کے ذمہ دار ہیں جن کی ناقص سیوریج نظام ،کرپشن اور غلط منصوبہ بندیوں سے پورا شہر پانی میں ڈوب گیا۔ عوامی مسائل کے حل اور اپنے مطالبات کے حق میں صوبائی حکومت کو دی گئی۔
گوادر : حکمران نو بلوچ نو پرابلم کی پالیسی پر عمل پیرا ہیں۔ گوادر کی ترقی زمینی حقائق کے الٹ ہیں۔ ڈھائی ارب روپے خرچ کرنے کے باوجود گوادر پانی میں ڈوب گیا۔ بی این پی ساحل وسائل کی نگہبان جماعت ہے۔ ہمارے نزدیک قدوس بزنجو یا اور کوئی مقدس گائے نہیں۔
پسنی : اصل آفت ذدہ ایم پی ایز اور بلوچستان کی بیوروکریسی ہے۔ ضلع بھر میں ترقی کے نام پر 170 ارب روپے خرچ ہونے کے باوجود نکاسی آب کا نظام موجود نہیں ۔ 30 سالہ کرپشن،بد انتظامی، بندر بانٹ اور وسائل کی لوٹ کھسوٹ کے لیے شفاف تحقیقات کے لیے کمیشن بنائی جائے. منتخب نمائندوں نے ڈیفنس میں بنگلے بنائے ہیں جبکہ ہماری ماؤں،بہنوں کے سروں پر چھت میسر نہیں ہے۔