Posts By: بیورو رپورٹ

کوئٹہ: نیشنل پارٹی کے مرکزی صدر و سابق وزیر اعلیٰ ڈاکٹر عبدلمالک بلوچ نے کہا کہ ریاست کی تقسیم در تقسیم اور عوام کو آپس میں دست گریباں کی منفی پالیسی نے مجموعی سماج کو انتشار خلفشار اور انارکی کی طرف دھکیل رکھا ہے آج عوام انتہا پسندی و معتصبانہ رویوں کا سنگین شکار ہے نیشنل پارٹی انسانیت کا علمبردار ہے ملک کے ہر شہری کو سیاسی سماجی معاشی اور معاشرتی حقوق حاصل ہے اور اس پر عمل درآمد کرنا ریاست کی زمہ داری ہے۔لیکن بدقسمتی سے یہاں بلوچ قوم سمیت دیگر چھوٹے قومیتوں اور مذہبی اقلیتوں کے حقوق پر جبر کی پالیسی روا رکھا گیا ہے۔یہ بات انہوں نے کرسمس کی تقریب سے خطاب کر تے ہوئے کہی۔

تربت:  تربت سول سوسائٹی کے کنوینر گلزاردوست نے تربت پریس کلب میں پریس کانفرنس کرتے ہوئے اعلان کیا ہے کہ اگر اگلے 48 گھنٹوں کے دوران شہید سراج ولد صالح محمد کے قاتلوں کو گرفتار نہیں کیا گیا تو تربت سول سوسائٹی شہید فدا چوک پر دھرنا دے کر بیٹھ جائیں گے، انہوں نے کہاکہ سراج بلوچ کی بہیمانہ قتل کے خلاف جمعہ کو صبح 11 بجے تربت پریس کلب کے سامنے احتجاج کیا جائے گا جبکہ ہفتے کے روز گلی بلیدہ سے بٹ بلیدہ تک ریلی نکال کر پولیس تھانہ کے سامنے احتجاجی مظاہرہ کریں گے۔

تربت:  آل پارٹیزکیچ کے کنوینر خان محمد جان نے کہاہے کہ بلیدہ میں رات کی تاریکی میں گھرکے اندرگھس کر اہل خانہ کے سامنے قتل ہونے والے نوجوان سراج صالح کے نامزدقاتلوں کو انتظامیہ فوری گرفتارکرے بصورت دیگر آل پارٹیز کیچ احتجاج کا راستہ اختیارکرتے ہوئے سخت لائحہ عمل طے کرے گی ان خیالات کااظہار انہوں نے بدھ کے روز پاکستان نیشنل پارٹی عوامی کے دفترمیں ایک ہنگامی پریس کانفرنس سے خطاب کرتے ہوئے کیا۔

تربت:  گورنر بلوچستان ظہور احمد آغا نے کہا ہے کہ ہمارے عہد کا سب سے موثر اور کامیاب ترین ہتھیار تعلیم ہے، تعلیم کے ہتھیار سے کیس اقوام اور ممالک سب سے زیادہ ترقی یافتہ اور طاقتور ہیں، تربت یونیورسٹی میں بیرون ممالک سے اعلی تعلیم یافتہ پروفیسرز کی تعداد قابل فخر ہے، بطور چانسلر تربت یونیورسٹی کی بہتری کے لیے ہر ممکن تعاون کو تیار ہوں اور اس ادارے کو مذید آگے اور ترقی کرنے کی خواہش مند ہوں ان خیالات کا اظہار انہوں نے تربت یونیورسٹی کے دورہ پر ویڈیو کانفرنس ہال میں فیکلٹی ممبران سے خطاب کرتے ہوئے کیا

گوادر :  پاکستان نیوی کے زیراھتمام میرین ٹریننگ سینٹر گوادر میں تربیت پانے والے میرین سیکیورٹی کے 397 سپاھیوں کی پاسنگ آوٹ پریڈ کی تقریب پاکستان نیوی کے ھیڈ کوارٹر میں منعقد ھوئی۔ پاسنگ آؤٹ پریڈ میں پاکستان نیوی اور میرین سیکیورٹی کے جوانوں نے اپنے صلاحیتوں کا بھرپور مظاہرہ کرکے حاضرین سے خوب داد وصول کی۔ پاسنگ آوٹ پریڈ کے مھمان خاص گورنر بلوچستان ظہور احمد آغا تھے ۔جنھوں نے میرین کے سپاھیوں کی پاسنگ پریڈ دیکھی اور ان سے مصافحہ بھی کیا۔

تربت:  سیکیورٹی فورسز کی زیادتیوں کے خلاف کلاھو اور سرنکن میں عوام کا شدید احتجاج، ایف سی کیمپ کے سامنے دھرنا۔ تمپ کے علاقے کلاھو اور سرنکن سے تعلق رکھنے والے سیکڑوں مردو خواتین اور بچوں نے منگل کو سخت احتجاج کرتے ہوئے ایف سی کی کیمپ کے سامنے دھرنا دیا، مظاہرین نے کہاکہ فورسز کے اہلکار آئے روز گھروں میں گھس کر لوگوں کو تنگ کرتے اور ان کے بچوں کو ماورائے آئین و قانون لاپتہ کرتے ہیں۔

گوادر:  گورنر بلوچستان سید ظہوراحمد آغا نے کہا کہ یونیورسٹی آف گوادر کو ملک کی بہترین یونیورسٹی بنانے کیلئے تمام دستیاب وسائل کو بروئے کار لائیں گے۔کیونکہ تعلیم یافتہ پاکستان کے خواب کی تعبیر وزیر اعظم عمران خان کا ویژن ہے. اعلی تعلیمی ادارہ آپ کے شہر میں قائم ہو چکا ہے لہٰذا ضروری ہے کہ مقامی اسٹوڈنٹس ہائیر ایجوکیشن کے حصول پر بھرپور توجہ دیں۔

گوادر : جماعت اسلامی کے صوبائی امیر مولانا عبدالحق ہاشمی نے کہا کہ سیندک منصوبہ بیوروکریسی کے غلط پالیسیوں کی وجہ سے تباہ ہوا ہے انہوں نے کہا کہ گوادر میں جاری حق دو بلوچستان تحریک مظلموں کی آواز ہے اس سے ملکی سالمیت کو کوئی خطرہ نہیں ان خیالات کا اظہار انہوں نے گوادر میں منعقدہ پریس کانفرنس سے خطاب کرتے ہوئے کیا۔

کوئٹہ: نیشنل پارٹی کی سینٹرل کمیٹی کی ممبر سابق رکن بلوچستان اسمبلی ڈاکٹر شمع اسحاق نے ملازمت پیشہ خواتین کو ہراسگی کے واقعات سے بچانے کو وقت کی اولین ضرورت قرار دیتے ہوئے کہا کہ اس ضمن میں خاتون محتسب برائے انسداد ہراسگی بلوچستان صابرہ اسلام ایڈووکیٹ کی کارکردگی قابل ستائش ہیں،ترقی یافتہ سماج کی تشکیل کے لیے خواتین کے کردار کو ہرگز نظر انداز نہیں کیاجاسکتاہے۔

تربت:  وومن ڈیولپمنٹ ڈیپارٹمنٹ بلوچستان کوئٹہ ڈویڑن کی سینٹرمنیجر روبینہ زہری اور قلات ڈویڑن کی سینٹر انچارج روبینہ شاہوانی نے کہاہے کہ فروری کے پہلے ہفتہ میں تربت میں منعقد ہونے والا خواتین ایکسپو خواتین کی ایمپاورمنٹ اورانہیں اپنے حقوق سے متعلق شعور دلانے کیلئے سنگ میل ثابت ہوگا۔