تربت: بلوچ اسٹوڈنٹس آرگنائزیشن پجار تربت عطاء شاد ڈگری ڈگری کالج کا یونٹ اجلاس زیر صدارت یونٹ سیکٹری زبیر برکت منعقد ہوا۔ جس کے مہمان خاص بی ایس او پجا کے مرکزی وائس چیرمین بوہیر صالح بلوچ اور اعزازی مہمان تربت زون کے آرگنائزر نوید تاج بلوچ اور صوبائی جونیئر جوائنٹ سیکریٹری نجیب ڈی ایم تھے۔ اجلاس میں شہداء بلوچستان کے لیے 2 منٹ کی خاموشی، تنظیمی امور اور علاقائی سیاسی صورتحال، آئندہ لائحہ عمل زہر بحث رہے۔
تربت: تربت پریس کلب کے پروگرام گند ء ْ نند میں صحافیوں سے گفتگو کرتے ہوئے معروف اینکر پرسن و صحافی اکرم بلوچ نے کہا ہے کہ پورے پاکستان میں صحافیوں کو درپیش مجموعی مشکلات یکساں ہیں البتہ کچھ علاقوں میں زیادہ اور کہیں کم ہوسکتی ہیں، ہر علاقے میں میڈیا پر گرفت ہے اور شکنجہ میں کسا ہوا ہے، کراچی بڑا شہر ہے جہاں صحافیوں کی آواز بلوچستان کی نسبت جلدی پہنچ جاتی ہے اس وجہ سے شاید ان کے مسائل کچھ کم ہوں، یہ بھی ممکن ہے کہ میڈیا کے بڑے ادارے اور بڑے نام وہان ہونے سے مشکلات کچھ کم ہو، بلوچستان شروع سے میڈیا کے لیے تنگ اور مکمل آزادی نہیں رہا ہے۔
گوادر: الیکشن کمیشن آف پاکستان کے ممبر شاہ محمد جتوئی نے کہاہے کہ الیکشن کمیشن انتخابی فہرستوں کو غلطیوں سے پاک غیر جانبدارانہ وشفاف الیکشن انعقاد کیلئے ہر ممکن اقدامات اٹھارہی ہے اس سلسلے میں 7نومبر2021سے گھر گھر ووٹرزکی تصدیقی عمل کا آغاز ہوچکا ہے6دسمبر2021تک تصدیقی عمل جاری رہے گا۔
تربت: بارڈر ٹریڈ یونین کے رہنماؤں نے تربت پریس کلب میں ہنگامی پریس کانفرنس کرتے ہوئے حافظ ناصرالدین زامرانی کو صدر کے عہدے سے ہٹانے اور سیکرٹری جنرل گلزار دوست کا استعفیٰ منظور کرنے کا اعلان کردیا۔ انہوں نے کہا کہ بارڈرٹریڈیونین کی کور کمیٹی اور کابینہ کا مشترکہ اجلاس منعقد ہوا جس میں حافظ ناصرالدین زامرانی کو ہٹا کر ان کی جگہ کفایت اللہ بلوچ کو صدر اور نور احمد کو جنرل سیکرٹری منتخب کرلیا۔
تربت: ریجنل الیکشن کمشنرمکران ڈویژن مقام تربت کے دفتر میں شاہ محمدجتوئی کی زیرصدارت اجلاس منعقد ہوا ۔اجلاس میںڈسٹرکٹ الیکشن کمشنرکیچ عبدالحلیم اوردیگر افسران موجود تھے۔اجلاس سے الیکشن کمیشن بلوچستان کے ممبرشاہ محمد جتوئی نے خطاب کرتے ہوئے کہاکہ الیکشن کمیشن انتخابی فہرستوں کو غلطیوں سے پاک اورصاف وشفاف کرنے کیلئے ہر ممکن اقدامات اٹھارہاہے ۔
تربت: پاک ایران بارڈر پر پٹرول اور ڈیزل کے کاروبار کیلئے ٹوکن کی شرط کو ختم کردیا گیا، ٹوکن کی شرط ختم کرنے کا فیصلہ ایف سی کیمپ آبسر میں میر ہوتمان بلوچ کی سربراہی میں شہر کے کاروباری عمائدین کی موجودگی میں ایف سی حکام نے کیا، اب بارڈر پر رجسٹرڈ چھوٹی گاڑیوں کو ٹوکن کی ضرورت نہیں پڑے گی۔
تربت: نیشنل پارٹی کے مرکزی سیکریٹری ریسرچ اینڈ ایڈوکیسی، بلوچ اسٹوڈنٹس آرگنائزیشن کے سابق چیرمین اور بلوچستان حکومت سے ریٹائرڈ سیکریٹری ڈاکٹر کہور خان بلوچ نے گزشتہ روز کراچی یونیورسٹی میں بلوچ اسٹوڈنٹس آرگنائزیشن (پجار) کے زیراہتمام منعقدہ لکچر پروگرام بعنوان ‘‘افغانستان کے تغیر پزیر حالات اور بلوچستان پر اثرات’’ میں شریک طالب علموں کے اجتماع کو لکچر دیتے ہوئے کہا کہ تاریخ میں 17ویں اور 18ویں صدی کے دوران اس خطے میں صفوی سلطنت، مغل سلطنت، عثمانیہ سلطنت اور درانی سلطنت کے ادوار میں بلوچستان اپنی قومی شناخت اور ریاستی استحکام کے لئیے جدوجہد کرتی ہوئے نظر آتی ہے۔
تربت: بلوچستان یونیورسٹی کے دو طلبا کی عدم بازیابی کے خلاف تربت یونیورسٹی میں طلبہ کا احتجاج۔
گوادر : حکومت اور انتظامیہ کو دی گئی الٹی میٹم ختم،گوادر میں تاریخی دھرنا شروع،وائی چوک پر ضلع بھر سے ہزاروں افراد دھرنے میں بیٹھ گئے۔ہم کسی ادارے کے خلاف نہیں،ہمارے مطالبات جائز اور آئین و قانون کے مطابق ہیں۔حقوق حاصل کئے بغیر دھرنے سے نہیں ہٹیں گے۔ان خیالات کا اظہار گوادر کو حق دو تحریک کے قائد مولانا ہدایت الرحمان نے گوادر وائی چوک میں منعقدہ ہزاروں افراد کی دھرنے سے خطاب کرتے ہوئے کیا۔انھوں نے کہا کہ ہم پاکستانی ہیں،کسی ادارے کے خلاف نہیں بلکہ آئین پاکستان کے کے تحت اپنے جائز حقوق کے حصول کے لیے میدان میں نکلے ہیں۔جو گزشتہ کئی سالوں سے غضب کئیے گئے ہیں۔
تربت: بلوچ اسٹوڈنٹس آرگنائزیشن تربت زون کا جنرل باڈی اجلاس عطاشاد ڈگری کالج تربت میں زونل آرگنائزر عقیل جلال کی زیرصدارت منعقد ہوا جس کے مہمان خاص بلوچ اسٹوڈنٹس آگنائزیشن کے مرکزی سینئر جوائنٹ سیکرٹری جیئند بلوچ تھے جبکہ اعزازی مہمان جونئیر جوائنٹ سیکرٹری ظفر رند اور مرکزی کمیٹی کے رکن خلیفہ بلوچ تھے جبکہ اجلاس کی کاروائی صدیر بلوچ نے چلائی۔ اجلاس میں مختلف ایجنڈے شامل تھے جس میں زونل رپورٹ، بین الاقوامی و قومی تناظر، تنظیمی امور اور آئندہ لائحہ عمل کے ایجنڈے زیر بحث رہے۔ اجلاس کا باقاعدہ آغاز شْہدائے بلوچستان کے یاد میں دو منٹ کی خاموشی سے ہوا۔ بین الاقوامی و قومی تناظر پر بات کرتے ہوئے ساتھیوں نے کہا کہ آج اگر ہم بین الاقوامی حالات کا جائزہ لیں تو ہمیں ایک دفعہ پھر عالمی قوتوں کی چپکلش دکھائی دیتی ہے اور عالمی طاقت کا توازن تبدیل ہوتا نظر آتا ہے۔