Posts By: گاجیان سلیم

شہد قدرت کی طرف سے عطا کردہ ایک انمول نعمت ہے۔ اﷲتعالیٰ نے شہد کو انسان کے لیے بہت سی بیماریوں سے شفا کا ذریعہ بنایا ہے۔ شہد کی اہمیت قرآن وحدیث سے واضح ہوتی ہے۔ قرآن مجید میں واضح طور پر کہا گیا ہے کہ شہد کے اندر انسان کے لیے بہت سی بیماریوں کی صورت میں شفا رکھی ہے۔ شہد اﷲتعالیٰ کی ایک چھوٹی سی مخلوق مکھی کا لعاب ہے جس کے رنگ مختلف ہوتے ہیں، جو آسانی سے ہضم ہوجاتا ہے شہد میں بہت سے کیمیاوی اجزاء پائے جاتے ہیں۔ دنیا میں اب سوائے پاکستان کے باقی ان تمام ترقی یافتہ اور ترقی پزیر ممالک میں شہد کا استعمال بڑھ گیا ہے۔

زیتون کا درخت نباتاتی، اقتصادی اور مذہبی اعتبار سے نہایت اہمیت کا حامل ہے۔ نباتاتی لحاظ سے اس کی کاشت کوہستانی، بارانی اور آبپاش علاقوں میں بڑی کامیابی سے کی جاسکتی ہے۔ اقتصادی اعتبار سے یہ ایک کثیر زرعی آمدنی کا آسان ذریعہ ہے۔ اس کے پھل سے انتہائی کارآمد تیل حاصل کیا جاتاہے۔ ایک کلو تیل کے لیے 4سے 6کلو زیتون درکار ہوتی ہے جو کہ تجارتی اہمیت کا حامل بھی ہے۔ زیتون کی کامیاب کاشت کے لیے ایسی آب و ہوا کی ضرورت ہے جہاں گرمیوں کا موسم متعدل ، گرم اور خشک ہو اور سردی کے موسم میں بارشیں ہوں۔