اوستہ محمد : نیشنل پارٹی تحصیل اوستہ محمد کے سابق صدر کامریڈ علی حسن بلوچ نے کہا ہے کہ محکمہ مواصلات و تعمیرات جعفر آباد سفید ہاتھی بن چکا ہے عوام کی فلاح و بہبود کے لئے کروڑوں روپے کی خطیر رقم سے تعمیراتی عمل کرپشن کی نذر ہو رہا ہے۔
نوشکی: ٹرانسپورٹ مالکان کی من مانی مسافر گاڑیوں میں تیل اور ایرانی سامان لیجانے اور کرایوں میں ازخود اضافے سے مسافروں کو مشکلات اور پریشانی حکومت سے نوٹس لینے کی اپیل۔
ڈیرہ اللہ یار : امیر جماعت اسلامی پاکستان سراج الحق نے کہا ہے کہ قوم کو یقین سے کہتا ہوں کہ تحریک انصاف حکومت ختم ہو رہی ہے بلوچستان سے سردار یار محمد رند کا استعفیٰ بارش کا پہلا قطرہ ثابت ہوا ہے ،مزید وزراء جلد ڈوبتی کشتی سے چھلانگ لگائیں گے عمران خان موجودہ وقت کا میر جعفرمیر صادق ثابت ہوئے ہیں بغیر جنگ لڑے کشمیر مودی کو تشت میں رکھ کر دیا اور قائد اعظم کا اسٹیٹ بینک آئی ایم ایف کے حوالے کر دیا۔
پنجگور: پنجگور ڈپٹی کمشنر پنجگور عبدالرزاق ساسولی کی سربراہی میں ایف سی کسٹم اور آل پارٹیز پنجگور کے نمائندوں کا اجلاس جیرک بارڈر پر کاروباری سرگرمیوں کے حوالے سے متعدد فیصلے کیئے گئے بارڈر سے خوردنی اوردیگرروزمرہ اشیاء جن میں گیس سلینڈر بھی شامل ہے لانے پر کوئی پابندی نہیں ہوگا اور جیرک بارڈر پر ایف سی صرف سیکورٹی کے معاملات دیکھے گا کاروباری سرگرمیوں سے اس کا کوئی عمل دخل نہیں ہوگا۔
سبی : سبی کا پانچ روزہ سالانہ تاریخی و ثقافتی میلہ رنگارنگ تقریبات کے ساتھ آج سے شروع ہوگا پانچ روزہ میلہ کا آغاز سردار چاکر خان ڈومکی اسٹیڈیم میں رنگا رنگ تقریبات سے ہوگا افتتاحی تقریب کے مہمان خصوصی وزیر اعلیٰ بلوچستان میر عبدالقدوس بزنجو ہونگے۔
ڈھاڈر: بین الصوبائی گروہ کے چار کارندے لیویز فورس کچھی کی بروقت کاروائی میں گرفتار، چاروں ملزمان کا تعلق سندھ کے علاقے جیکب آباد سے ہے۔
ژوب: ژوب کے تعلیمی اداروں میں اساتذہ کی کمی اور سہولیات کا فقدان ہے نیو سال کے آغاز میں محکمہ تعلیم سکولوں میں داخلہ مہم اور سمینار کے انعقاد کرتی ہے جو کہ فوٹو سیشن اور اخباری بیانات تک محدود ہے داخلہ مہم کا شوشہ جبکہ کارکردگی آس کے برعکس ہے۔
اوستہ محمد: بلوچستان نیشنل پارٹی (عوامی ) کے مرکزی سیکرٹری اطلاعات ڈاکٹر ناشناس لہڑی نے کہا ہے کہ بلوچستان کی ترق کے لیے ہنگامی بنیادوں پر اقدامات کرنے ہوں گے ترقی یافتہ بلوچستان خوشحال عوام بی این پی عوامی کا وڑن ہے۔
پنجگور: ڈپٹی کمشنر پنجگور عبدالرزاق ساسولی نے کہا کہ ای ٹیگ سسٹم میں شفافیت برقرار رکھی جائے گی ،گاڑیوں کی ٹمپرنگ اور جعل سازی کسی بھی صورت قابل قبول نہیں ہوگی، رجسٹریشن کے عمل میں مزید تیزی لاکر میرٹ اور شفافیت کو برقرار رکھا جائے گا عوام ضلعی انتظامیہ کے ساتھ تعاون کریں جن لوگوں کے فارم جمع ہیں سب کو ای ٹیگ دیاجائے گا۔
اوستہ محمد : اوستہ محمد پیپلزپارٹی کے جیالے میر حیدر علی خان جمالی میر مرتضی خان جمالی سید یار شاہ شاہ کی قیادت میں لانگ مارچ میں شرکت کرنے کے لیے سینکڑوں گاڑیوں کے قافلے کی شکل میں روانہ ہو گئے عوام کا سیلاب نااہل حکمرانوں کو لے ڈوبے گی۔