کوئٹہ: عوامی نیشنل پارٹی کے صوبائی صدر وپارلیمانی لیڈر اصغر خان اچکزئی نے کہا ہے کہ حالیہ بارشوں اور برف باری سے پورا صوبہ متاثر ہواہے چمن ،قلعہ عبداللہ میں امدادی کام جاری ہے بارشوں سے نقصانات بہت زیادہ ہوئے ہیں اس کے ازالے کیلئے اقدامات کیے جارہے ہیں عوام کو خوراک خیمے اور دیگر سامان کی فراہمی کا سلسلہ جاری ہے تاکہ وہ دوبارہ اپنی زندگی شروع کرسکے۔
ڈیرہ اللہ یار: ڈیرہ اللہ یار میں سردی کی شدت میں مسلسل اضافے اور گیس پریشر کی کمی کے باعث شہریوں کو شدید مشکلات کا سامنا ہے جبکہ بعض علاقوں میں بجلی کی اضافی لوڈشیڈنگ کا سلسلہ بھی جاری ہے بارش اور سردی کی شدت میں اضافے سے سرکاری اور نجی اسکول موسم سرما کی تعطیلات ختم ہونے پر کھلتے ہی دوسرے روز دو دن کے لیے مزید بند کر دیئے گئے.
دالبندین+اوتھل: چیئرمین سینٹ صادق سنجرانی کے چھوٹے بھائی ڈرائیور سمیت ٹریفک حادثے میں جاں بحق۔ضلع چاغی میں کہرام مچ گئی۔تفصیلات کے مطابق ضلع چاغی کے علاقے نوکنڈی سے تعلق رکھنے والے چئیرمین سینٹ صادق سنجرانی کے چھوٹے بھائی حاجی سالار خان سنجرانی کار گاڑی کے ذریعے کراچی سے کوئیٹہ آرہے تھے کہ لسبیلہ کے علاقے اوتھل کے مقام پر کار گاڑی اور ٹرالر کے درمیان تصادم کے نتیجے میں وہ شدید زخمی ہو گئے جبکہ کار گاڑی کے ڈرائیور محمد یونس سکنہ کوئٹہ نے موقع پرجاں بحق ہوگئے ۔
اوستہ محمد : سی آئی اے پولیس کی بڑی کاروائی ڈاٹسن کے آئل ٹینکی کے خفیہ خانے سے 22کلو چرس برآمد ۔ڈی آئی جی اور ایس پی کی خصو صی ہدایت پر منشیات کے خلاف کاروائی۔
مچھ : شہری ایکشن کمیٹی مچھ کے زیر اہتمام گیس پریشر میں غیرمعمولی کمی اور بجلی کی طویل لوڈشیڈنگ کے خلاف احتجاجی ریلی نکالی گئی اور مظاہرہ کیا گیا احتجاجی شرکا نے واپڈا اور سوئی سدرن گیس کمپنی کیخلاف شدید نعرے بازی کی مظاہرین سے شہری ایکشن کمیٹی مچھ کے چیئرمین حافظ صدیق سمالانی عبدالرحمن خلجی صدراقبال یوسفزئی محمد صادق راہیجہ حاجی امیر زادہ کوھستانی ودیگر نے خطاب کرتے ہوئے کہا کہ مچھ میں سردی کی آمد کیساتھ ہی گیس پریشر مکمل طور پر غائب ہوگیا ہے۔
نوشکی : بلوچستان نیشنل پارٹی کے سینٹرل کمیٹی کے ممبر میر خورشید احمد جمالدینی نے میڈیا نمائندوں سے خصوصی بات چیت کرتے ہوئے کہاکہ بلوچستان نیشنل پارٹی بلوچستان کی ساحل ووسائل کی حفاظت کے لئے ہمہ وقت سیاسی وجمہوری انداز میں جدوجہد کررہی ہے ، بلوچستان کے گیس ، بجلی ، سونے کے ذخائر اور گوادر ساحل کو بلوچستان کے عوام کے مرضی کے بغیر دیا گیا اور ان سے بلوچستان کے عوام کو کوئی فایدہ نہیں پہنچ رہا ہے ۔
پنجگور: بلوچستان نیشنل پارٹی کے سربراہ سابق وزیراعلی بلوچستان سردار اخترجان مینگل نے کہا ہے کہ قوم پرست سیاست سے بعض قوتیں خائف ہیں دنیا میں جہاں بھی قوموں نے ترقی کی ہے وہ اتحادواتفاق کی بدولت کی ہے بی این پی چاہتی ہے کہ قوم پرست اکھٹے ہوجائیں مگر اس میں اصول اور ضابطوں کا تعین ہونا لازمی ہے پی ڈی ایم ابھی تک اس سطح پر نہیں پہنچی ہے کہ جس کے زریعے مستقبل میں انتخابی اتحاد ہو البتہ اس کے زریعے مرض کی تشخیص ضرور ہوئی ہے۔
دالبندین: دالبندین تیل کمیٹی والوں کے چوتھے روز بھی پاک ایران آر سی ڈی شاہراہ پر احتجاج جاری ۔تفصیلات کے مطابق ماشکیل کا سرحدی علاقہ جودر سے تیل لانے پر پابندی لگانے کے خلاف دالبندین تیل کمیٹی کے ممبران اور تیل لانے والی گاڑی مالکان نے یک مچ کی مقام پر چوتھے روز ہڑتال کر رکھی ہے تیل کمیٹی ممبران عنایت اللہ، نوشیروان ،نوروز خان، حاجی غلام، ودیگر شامل ہے مظاہرین میں شامل محمد اکبر کا موقف ہے۔
نوکنڈی: عوامی حلقوں نے بی این پی کے مرکزی صدر سردار اختر جان مینگل کی بلوچ وسائل اور خصوصاً ریکوڈک منصوبے کے بارے میں پریس کانفرنس میں اصولی موقف اپنانے کو سراہتے ہوئے کہا کہ ریکوڈک منصوبہ ضلع چاغی کے علاقہ نوکنڈی میں واقع ہے۔
خضدار: کوئٹہ کراچی قومی شاہراہ پر تیز رفتار کار ڈرائیور سے بے قابو ہو کر الٹ گئی بہن بھائی جاں بحق والدین سمیت چار افراد زخمی ہو گئے۔