ڈیرہ مراد جمالی: کمشنر نصیرباد ڈویژن کی تعیناتی پر نصیرآباد کے اراکین اسمبلی اور وزرا کے درمیان ٹھن گئی رینکر ریٹائرمنٹ کے قریب کمشنر کی تلاش شروع عوامی حلقوں میں تشویش کی لہر وزیراعلی بلوچستان چیف سیکریٹری اور کور کمانڈر سے اپیل پی ایس پی کمشنر کے تعیناتی کا مطالبہ تفصیلات کے مطابق صوبائی وزیر ریونیو میر سکندر خان عمرانی کے حلقہ انتخاب ڈیرہ مرادجمالی تین یوم سے کمشنر نصیرباد سے محروم ہے۔
نوکنڈی: نوکنڈی اور گردونواح میں بارش،موسم سرد،سوختنی لکڑی اور ایل پی جی ناپید ہونے سے لوگوں کو مشکلات کا سامنا کرنا پڑا۔
دالبندین: نیشنل پارٹی دالبندین کی جانب سے جاری کردہ بیان میں کہا گیا ہے کہ چاغی میں این جی اوز اب سیاسی لیڈروں کی جی حضوری اور انہی لوگوں کے لے الیکشن مہم چلانے میں مرکزی کردار ادا کررہے ہیں۔
خضدار: بلوچستان نیشنل پارٹی کے سینئر رہنماء اربابِ جھالاوان ارباب محمّدنواز مینگل و ڈسٹرکٹ پریزیڈنٹ شفیق الرحمٰن ساسولی کی ملاقات، درایں اثناء ضلعی جنرل سیکرٹری عبدالنبی بلوچ، جوائنٹ سیکرٹری قادر شہزاد بلوچ، لیبر سیکرٹری علی احمد شاہوانی، محمّد ایوب عالیزئی، نورمحمد مینگل، حاجی منیر احمد رند، عبیداللہ مینگل، ظاہر عالیزئی، سعید احمد، خالد احمد اور عبدالحمید موجود تھے
پنجگور(نامہ نگار) بی این پی کے مرکزی ڈپٹی سیکریٹری میر نذیراحمد بلوچ قائمقام صدر صدر علی جان بلوچ مرکزی کمیٹی کے رکن حاجی زاہد بلوچ مرکزی رہنما واجہ جہانزیب حاجی عبد الغفار شمبے زئی راشد لطیف سابق صدر عبیداللہ بلوچ میر نظام ملازئی نے پارٹی کے ضلعی سکریٹریٹ میں پریس کانفرنس سے خطاب کرتے ہوئے کہا کہ بی این پی کے مرکزی صدر سردار اختر جان مینگل اور دیگر قائدین 4 جنوری کو پنجگور پہنچ رہے ہیں اور 5 جنوری کو وہ مرکزی کمیٹی کے رکن حاجی زاہد بلوچ کی رہائش گاہ میں ورکرز کانفرنس کی صدارت بھی کریں گے.
ڈھاڈر: بلوچستان اسمبلی میں پارلیمانی لیڈر،چیف آف رند قبائل سردار یار محمدرند نے کہا ہے کہ بلوچستان کے حقوق پر کبھی سودا بازی نہیں کرینگے اقتدار ہمارے لیئے کوئی معنی نہیں رکھتی عوامی حق نمائندگی ادا کررہے ہیں اجتماعی کاموں سے علاقے کو خوشحال بنا رہے ہیں ہمارا جینا مرنا عوام کے ساتھ ہے ان خیالات کااظہار انہوں نے سادات قبائل کی معزز شخصیت سید فریداحمد شاہ دوپاسی کی جانب سے اپنے اعزاز میں دوپاسی ہاؤس ڈھاڈر میں دیئے گئے عشائیہ میں علاقائی عمائدین،معتبرین سے بات چیت میں کیا۔
مستونگ: نیشنل پارٹی کے مرکزی صدر سابق وزیر اعلی بلوچستان ڈاکٹر عبدالمالک بلوچ سے نیشنل پارٹی مستونگ کے نومبتخب ضلعی صدر حاجی نذیر سرپرہ جنرل سیکرٹری سجاد دہوار لیبر سیکرٹری حاجی نذیر بگٹی نے مرکزی سیکرٹریٹ میں گزشتہ روز ملاقات کی۔
مستونگ: کوئٹہ کراچی قومی شاہراھ پر ولی خان بائی پاس پر ریلوے پھاٹک پر سیکورٹی فورسز کی گاڑی حادثے کا شکار 8 سیکورٹی اہلکارزخمی ہوگئے۔
ژوب: آل پارٹیز ایکشن کمیٹی کی جانب سے گزشتہ روز ژوب سے پچیس کلومیٹر دور سرکچھ کے علاقے میں ایک غار سے ملنے والی چار نامعلوم مسخ شدہ لاشوں کے خلاف ظریف شہید پارک میں احتجاجی مظاہرہ کیا گیا۔
ڈیرہ اللہ یار : سابق وفاقی وزیر اور بلوچستان نیشنل پارٹی کی مرکزی کمیٹی کے رکن میرہمایوں عزیز کرد نے کہا ہے کہ پارٹی کے چند ایک فیصلوں پر صوبے کے عوام کارکنوںکو تحفظات تھے جس پر قیادت کو مراسلہ ارسال کیا، بی این پی بلوچستان کے عوام کی حقیقی ترجمان تھی کوشش کر رہے ہیں بی این پی اپنے اصولی موقف پہ قائم رہے۔ یہ بات انہوں نے ڈیرہ اللہ یار میں مقامی صحافیوں سے گفتگو کرتے ہوئے کہی۔