اوستہ محمد: سٹی تھانہ کے حدود ڈم،شاخ کے علاقہ محمد حسن پندرانی معڑ پر میاں بیوی قتل ،قاتل فرار مقتول کا تعلق سندھ کے علاقہ ٹھوپ چوسول لاڑانہ سے تھا تفصیلات کے مطابق گزشتہ روز صبح کو غلام حسین جتوئی اپنی بیوئی مسما روشن بی بی کے ہمراہ موٹر سائیکل پر اوستہ محمد کی طرف آرہے تھے کہ ڈم شاخ کے مقام محمد حسن پندرانی موڑ پر نا معلوم حملہ آوروں نے فائرنگ کر کے دونوں میاں بیوی کو قتل کرنے کے بعد فرار ہو گئے۔
خضدار: اس ملک کے سیاہ و سفید کے مالک ووٹ چور قوّتوں سے ووٹ، ووٹرز، غیر ووٹرز اور مکمل نظامِ ریاست کو تحفظ کی ضرورت ہے۔ جب تک وہ بیرکوں سے باہر رہیں گے عوام اور مکمل نظام عدم تحفظ کا شکار رہیگی۔ ان کے ہوتے ہوئے صاف شفاف الیکشن ایک خواب ہی رہیگا۔ ان خیالات کا اظہار بلوچستان نیشنل پارٹی ڈسٹرکٹ خضدار کے پریزیڈنٹ شفیق الرحمٰن ساسولی نے 07 دسمبر ووٹرز ڈے کی مناسبت سے الیکشن کمیشن کی جانب سے منعقدہ تقریب میں کی۔
خاران: بلوچستان نیشنل پارٹی عوامی کے مرکزی سیکرٹری جنرل صوبائی وزیر زراعت میر اسداللہ بلوچ نے کہاکہ عوامی حقوق پر کھبی بھی سمجوتہ نہیں کرینگے،عوام کی خواہشات پر پورا اترنے کی ہر ممکن کوشش کرینگے،پارٹی ورکر عظیم سرمایہ ہیں۔
قلات: بلوچستان نیشنل پارٹی کے سینئر نائب صدر اور سابق صوبائی وزر پرنس موسیٰ جان احمد زئی نے کہا ہے کہ جام حکومت اور بزنجو حکومت میں کچھ خاص فرق نہیں ہے وزیر آعلیٰ بلوچستان سے کچھ لوگ اپنے مفادات حاصل کررہے ہیں گوادر کے مسئلے پر گوادر کے عوامی نمائیندو ں کی خاموشی سمجھ سے بالاتر ہے گوادر میں عوام کی اپنے حقوق کے لیئے احتجاج کی ہم مکمل طور ہمایت کرتے ہیں ان کے ساتھ یکجہتی کا اظہار کرتے ہیں ہماری نظر میں ان کے مطالبات مطالبات جا ئز ہیں۔
نوکنڈی: نوکنڈی آر ایچ سی جیسے ٹی ایچ کیو ہسپتال کا درجہ دیا گیا ہے لیکن ہسپتال میں ادویات کی فراہمی سمیت میل ڈاکٹرز کی تقرری عمل میں نہیں لائی گئی ہیں اب جبکہ موسمی تبدیلی کی وجہ سے گلے کی خرابی ،زکام ،نزلہ اور بخار کی بیماریاں عام ہیں لیکن ہسپتال میں ادویات نہ ہونے سے مریضوں کو مجبوراً بازار کے میڈیکل اسٹورز سے خریدنے پڑتے ہیں۔
دالبندین : دالبندین انتظامیہ دودھ فروشوں کے سامنے ہے بس۔تفصیلات کے مطابق دالبندین بازار کے دودھ فروشوں نے سرکاری نرخنامے کی دھجیاں بکھیر کر از خود نرخوں میں اضافہ کردیا دودھ فی کلو کی قیمت 100 روپے سے بڑھا کر 120روپے جبکہ دہی فی کلو 110 روپے سے بڑھا کر 130 روپے فی کلو کے نرخ مقرر کر دئیے مگر انتظامیہ نے دودھ کے بڑھتے ہوئے نرخوں پر کوئی ایکشن نہیں لیا جس کی وجہ سے عوام سخت سرگرداں ہیں۔
خضدار: آل پارٹیز شہری ایکشن کمیٹی کے چئیرمین ایڈوکیٹ حمید بلوچ کی قیادت میں آل پارٹیز شہری ایکشن کمیٹی کے رہنماوں بی این پی مینگل کے ضلعی صدر میر شفیق الرحمن ساسولی، پاکستان پیپلز پارٹی کے ضلعی صدر سجاد زیب حسنی، میرعبدالرحمان زہری، جمعیت علما اسلام تحصیل خضدار کے صدر مولانا محمد اسحاق شاہوانی،انجمن تاجران خضدار کے نائب صدر و ال پارٹیز شہری ایکشن کمیٹی کے جنرل سیکریٹری بشیر احمد جتک، مزدور اتحاد کے رہنماء صابر حسین قلندرانی، بلوچستان عوامی پارٹی خضدار کے ضلعی ترجمان یونس گنگو، خضدار پریس کلب کے صدر منیر نور گرگناڑی، زمیندار ایکشن کمیٹی کے رہنماء وہاب غلامانی، جمعیت علماء اسلام نظریاتی کے رہنما مولانا عبدلغفور کرخی جماعت اہل سنت مولانا محمد قاسم قاسمی۔
پنجگور : صوبائی وزیر زراعت و امداد باہمی بی این پی عوامی کے مرکزی سیکریٹری جنرل میر اسداللہ بلوچ کا پنجگور گریڈ اسٹیشن کا دورہ میر اسداللہ بلوچ کے فرزند میر عصمت اللہ بلوچ نے سوردو سریکوران کے لیے نئے فیڈر کا افتتاح کیا اس موقع پر ڈپٹی کمشنر عبدالرزاق ساسولی اے سی پنجگور امجد حسین سومرو علی حیدر مگسی ایس ڈی او کیسکو آپریشن ، ایس ڈی او کیسکو ڈو یلپمنٹ حبیب اللہ بلوچ بی این پی عوامی کے مرکزی لیبر سکریٹری نوراحمد بلوچ ضلعی صدر نثار احمد جنرل سکریٹری ظفر بختیار مرکزی کمیٹی کے رکن شکیل احمد قمبرانی کیپٹن محمد حنیف بلوچ میجر شوکت علی زراعت آفیسر محمد زمان حاجی محمد اکبر اور دیگر موجود تھے۔
پنجگور: چیف سیکرٹری بلوچستان مطہر نیاز رانا کا آئی جی پولیس طاہر رائے کے ہمراہ پنجگور کا دورہ کمشنر ہاؤس میں ڈپٹی کمشنر پنجگور اور دیگر افسران نے اپنے محکموں سے متعلق چیف سیکرٹری کوبریفنگ دی اور درپیش مسائل اور اقدامات سے انہیں آگاہ کیا بعد ازاں چیف سیکرٹری سے انجمن تاجران کمیٹی کے نمائندوں کے وفد نے بھی ملاقات کی اور مسائل سے آگاہ کیا۔
تفتان: چیئرمین سینٹ محمد صادق سنجرانی اور بلوچستان عوامی پارٹی رخشان ڈویژن کے ڈویژنل آرگنائزر و سابق مشیر وزیر اعلیٰ بلوچستان میر اعجاز خان سنجرانی کی کوششوں سے تحصیل تفتان میں نادرا رجسٹریشن سینٹرکے قیام کی منظوری ہوگئی ہے۔ نادرا ہیڈکوارٹرز سے باقاعدہ طور پر تفتان میں نادرا رجسٹریشن سینٹر کے قیام کا نوٹیفیکیشن بھی جاری کردیا گیا ہے۔