دنیا کا سب سے حسین خواب “امن” ہے۔ مگر افسوس، یہ خواب ہمیشہ ٹوٹنے کے قریب رہا۔ انسان نے آسمانوں کو فتح کر لیا، سمندروں کی گہرائی ناپ لی، مگر اپنے ہی دل کے زخم نہیں بھر سکا۔ آج بھی زمین کے کسی نہ کسی کونے میں دھواں اٹھ رہا ہے، بچے روتے ہیں، مائیں بین کرتی ہیں، اور قومیں ایک دوسرے پر نعرے لگا کر اپنی شکست چھپاتی ہیں۔
مشرقِ وسطیٰ ایک بار پھر جنگ کی دہلیز پر کھڑا ہے۔ ایران اور اسرائیل کے درمیان گزشتہ ایک ہفتے سے جاری کشیدگی اب ایک کھلی جنگ کی صورت اختیار کر چکی ہے۔ اس دوران دونوں جانب شدید بمباری، میزائل حملے اور ڈرون کارروائیاں دیکھی گئی ہیں، جن میں اب تک سیکڑوں افراد جاںبحق اور زخمی ہو چکے ہیں، جبکہ متعدد علاقوں میں پناہ گزین نقل مکانی پر مجبور ہو گئے ہیں۔