بارکھان : نیشنل پارٹی کے مرکزی صدر ووفاقی وزیر پورٹ اینڈ شپنگ میر حاصل خان بزنجو نے کہاہے کہ حالات کچھ بھی ہوں نیشنل پارٹی ظلم جبر کے خلاف اپنی جدوجہد جاری رکھے گی ۔ہم ملک میں جمہوریت ،پارلیمنٹ ،آئین وقانون اور عدلیہ کی بالادستی پر یقین رکھتے ہیں ۔
کوئٹہ: جمالی خاندان سے تعلق رکھنے والے راحت فائق جمالی کو بلوچستان کابینہ میں شامل کرلیا گیا۔ انہوں نے وزارت کا حلف اٹھالیا۔ سرکاری حکام کے مطابق راحت فائق جمالی کو محنت و افرادی قوت کا قلمدان سونپ دیا گیا۔
کوئٹہ : صوبائی وزیر خزانہ و زراعت سردار اسلم بزنجو نے کہا ہے کہ صوبائی مخلوط حکومت کے اتحادی ہونے کے ناطے بعض معاملات میں ہمیں اعتماد میں نہیں لیا جارہا جس کی واضح مثال آج ان کے محکمے کے سیکرٹری خزانہ اکبر حسین درانی کا تبادلہ ہے جو انہیں اعتماد میں لئے بغیر وزیراعلیٰ نے کیا ہے حالانکہ گذشتہ روز اسمبلی اجلاس میں ہم اکٹھے تھے اور خود وزیراعلیٰ بلوچستان نواب ثناء اﷲ زہری مزاج پرسی کیلئے میرے پاس آئے تھے لیکن اُنہوں نے اس حوالے سے کوئی ذکر نہیں کیا۔
کوئٹہ : بلوچستان نیشنل پارٹی کے مرکزی بیان میں کہا گیا ہے کہ ایم ایس ایف سمیت دیگر این جی اوز بلوچ علاقوں کو مکمل طور پر نظر انداز کر رہے ہیں جس کی جتنی مذمت کی جائے کم ہے ۔
کوئٹہ: جمعیت علماء اسلام کے مرکزی سرپرست اعلیٰ سابق ایم این اے مولانا عصمت اللہ نے جعلی ڈومیسائل کے ذریعے بلوچستان کے کوٹے پر وفاقی اور صوبائی محکموں میں غیر بلوچستانی ملازمین کی ہزاروں کی تعداد میں تعیناتیوں پر گہری تشویش کا اظہار کرتے ہوئے کہا کہ بلوچستان کے باصلاحیت اور اعلیٰ درجے کے تعلیم اداروں سے فارغ التحصیل نوجوان نوکریوں کے حصول کیلئے سیکرٹریٹ کے چکر لگاکر مایوس ہوچکے ہیں ۔
کوئٹہ: بلوچ نیشنل موومنٹ کے مرکزی ترجمان نے کہا کہ ہر طرح سے بلوچ قوم کو حراساں کرنے اور نسل کشی میں مصروف ہے۔ کل ہوشاپ میں چھوٹے بچیوں کو تالاب میں پھینک کر جس بیدردی سے شہید کیا گیا وہ بربریت کی ایک بدترین مثال ہے۔
کوئٹہ: مسلم لیگ(ن) کے صوبائی صدر وزیراعلیٰ بلوچستان نواب ثناء اللہ خان زہری نے قومی اسمبلی کے حلقہ 120 کی نشست پر ضمنی انتخاب میں مسلم لیگ(ن) کی رہنما بیگم کلثوم نواز کی جیت پر مسرت کا اظہار کرتے ہوئے تاریخی کامیابی پر بیگم کلثوم نواز، محمد نواز شریف اور مسلم لیگ(ن) کے کارکنوں کو مبارکباد پیش کی ہے۔
صنعاء: یمن میں مبینہ طور پر عرب عسکری اتحاد کے فضائی حملے میں خواتین و بچوں سمیت 12 افراد ہلاک ہو گئے۔
وزیراعظم شاہد خاقان عباسی نے امریکا کو خبردار کیا ہے کہ پاکستان کا اتحادی کا درجہ ختم کرنے میں اس کا اپنا نقصان ہے۔
لاہور: این اے 120 کے ضمنی انتخاب میں (ن) لیگ کی امیدوار کلثوم نواز کو فیصلہ کن برتری حاصل ہونے کے بعد سابق وزیر اعظم نواز شریف کی صاحبزادی مریم نواز نے ’’چوتھی واری فیر شیر‘‘ کا نعرہ لگا دیا۔