اے سال پہ بلوچ راج ءَ چنچو تاوان بار بوتگ اے گپ ءَ بلوچانی یک کہنیں بتلے ءُُ حمل ءِ شئیرے جوانی ءَ پدر کت کنت کہ عہد بلوچاں کہ اے روچ شوم ءُُ شانزدہ کتگ ءُُ ہما مردم کہ شوم انت آئی ءِ پشت ءَ شانزد ہ کہ گشتگ آ اشکیں گپ نہ بوتگ اَنت بلکیں ایشانی پشدرے اوں بوتگ اَنت۔ اے سال کہ سرجم ءَ شانزدہ ءِ سال اِنت گڈاں پہ بلوچاں چون ءُُ چتور وش بوت کنت؟ ۔پیسر ءَ ہما شئیر ءَ دلگوش کن اِت ءُُ رند ءَ گپ ءُُ رپ بنت۔

دیدگانی آسگواریں ساہتاں سرپد نہ اِنت
کس منی ذگریں زہیری گریوگاں سرپد نہ اِنت

چاہ بہار: ایران ءِ ڈگاری ارد ءِ کماش ءَ جار پرینتگ کہ یک شمبئے ءَ ایرانی ارد سیستان ءُُ بلوچستان ءِ دمگ ءَ مزنیں جنگی ھئیل کاری یے بنا کنت کہ آئی ءِ مول ءُُ مراد وتی جنگی بود ءُُ ذکت ءِ چکاسگ اِنت ۔بریگیڈ ئیر جنرل حیدری ءَ ایران ءِ ریڑیو ءَ گشتگ کہ کہ جنگی ھئیل کاری چکاس داں سے روچ ءَ برجاہ بنت ۔

گوستیں روچاں پاکستان ءِ مستریں اسمبلی ،راجی اسمبلی ءَ یک بلے پاس کت کہ آئی ءِ تہا ایم ۔پی۔اے، ایم ۔این ۔اے ءُُ سینٹرانی ہستیں پگار ۲۷۰ درسد گیش کنگ بیت ۔اے وھد ءَ وزیر ،ایم ۔پی ۔اے ، ایم این اے ءُُ سینٹرانی پگار چہ ۱۹ اسکیل ءِ کاردار ( ملازم)ے ئیگ ءَ چہ گیشترانت اے بل ءِ پاس کنگ ءَ رند روتاکاں وتی شونگال ءُُ احوالکاراں وتی اوتاگاں پگارانی گیشی ایر جتگ اے وھداں ارب پتی ایم این اے ،ایم پی اے ءُُ سینٹر ماھے ۷۰ ہزار ءَ داں ۱۲۰ ہزار پگار گرگان اَنت ۔ اے پگا ر ءَ آھانی ٹی ،اے، ڈی ءُُ میڈیکل الاوئنس ھوار نہ اَنت ۔

’’ بلوچی زبان کہ دنیا ءِ یک کہنیں زبانے ءِ جہت ءَ زانگ ءُُ پجار گ بیت،‘‘اے رد چنت بر ءَ ما وتی نبشتانک ،تران ءُُ گشتانکانی تہا کارمرز کتگ ؟ ہمک کواس ءُُ زانتکارے وھدے تران ءَ بندات کنت داں آئیءِ اولی رد مدام ہمیش بیت بلئے آ وت چرے گپ ءَ چہ بے حال ءُُ شموشکار اِنت کہ پہ گشگ دنیا ءِ ھچ زبان کہن ءُُ گیدی منّگ نہ بیت۔ اے گپ گوں پہتہ ایں شاہدیاں پدر کنگ لوٹیت کہ بلوچی چون ءُُ چے وڑ ءَ دنیا ءِ کہن ءُُ گیدی ایں زبانے۔۔۔۔اے دگہ راجاں کہ وتی زبان ءُُ دودمان دنیا ءِ مستریں ءُُ

اے وھد ءَ چاگردی رسانک در ءَ ہمک روچ چشیں عکس ءُُ حال شنگ بوھگان اَنت کہ پلاں دمگ ءِ مردمے ( کینسر) بزاں شومک ءِ آماچ انت ءُُ ورنا پرائی جان سلامتی ءُُ دراہی ءَ چندہ کنگان اِنت پدا لہتیں روچاں پد ہمے نادراہ ءِ مرگ ءِ حال کیت ۔آئی ءِ سنگت ءُُ دوزواہ ءُُ عزیز دگہ لہتیں روچاں شومک ءِ ایرجنی ءَ گپ ءُُ تران بنا کن اَنت بینر ءُُ بیرک جن اَنت کہ لہتیں روچاں پد گار ءُُ بیگواہ بنت ۔بلئے اے درچ ءَ ہرچ کارے کہ کنگی اِنت آ بوھگان نہ اِنت اے درچ ءَ گپ پولگ لوٹ ایت کہ اناگت ءَ چہ بلوچستان ءَ کینسر ءِ آماچ انت ایشیءِ سوب چے

یک کسانیں جنکوئے لوگ ءِ سربرءَ اوشتاتگ اَت ءُُ کانگڑو ءِ بال دئیگ ءَ ات آ انچوش گل ءَ بال ات کہ سرجمیں دگنیا ءِ گماں چہ بیھال ات ءُُ کانگڑو ءِ بال دئیگ ءَ مشکول اَت ۔من یک کنڈے ءَ اوشتاتگ اتوں ءُُ ہمے ندارگ ءَ چارگ ءَ ات اوں ۔شہر ءِ زمستان ءِ سردیں شپ ءُُ برپ ءَ چہ جان شودیں کوہ ءُُ آزمان ءَ را جمبراں سرجمی وتی دست ءَ کتگ ات انت ۔برے برے سارتیں گوات پہ وتی ادا ءُُ نازاں گوں لیب کناں ات ءُُ ھور ءَ ترونگل ءَ چہ شہر ءِ سرجمیں دمگ چہ آپ ءَ سرریچ ات انت ۔سریاب دگ ( روڑ) ءِ سر ءَ روکیں گاڑی ءُُ موٹلانی روگ ءُُ آھگ نہ بوھگ ءِ حساب ءَ ات ءِ دور چہ یک اشترگاڑی یے وتی بلک سبکیں رواجاں روان انت ءُُ یک پیر مردے سگریٹ ءِ کشگ ءَ گوں انچو مزہ چست کنان ات گشئے دگنیا ءِ ھمک اڑ ءُُ جنجالان چہ بے ہال اَت ۔

دنیا منی نگاہاں ویرانیں جنگلے